Popular Bible Verses from Matiyo 10

Share

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Yeḛ gə́ tɔs kəmee dɔ rəa’g bao-bao ndá yeḛ neelé rəa a kigi ɓəi. Yeḛ gə́ ya̰ rəa yag gə́ mbam ndá a lal kiŋgá el.

Deḛ gə́ tɔl darɔ sí ɓó d’askəm tɔl kankəmrɔ sí el lé ɓəl deeje el. Yeḛ gə́ askəm tuji kankəmrɔ sí gə darɔ sí na̰’d dan pər’g ɓa ɓəleeje.

yeḛ gə́ odo kag-dəs ləa mba kaw ne goom’g el ndá yeḛ kara ḭ ɓee ləm el ləm tɔ.

Togə́bè ɓa dəw gə́ rara gə́ a teḛ gə rim no̰ dəwje’g ndá ma nja kara m’a teḛ gə ria no̰ Bɔm gə́ si dan dara’g lé tɔ. Nɛ dəw gə́ rara ɓa gə́ lɔm dɔm kəm dəwje’g ndá ma nja kara m’a lɔm dəa kəm Bɔm gə́ si dara’g lé ya tɔ.

Arje rɔko̰ ḭ dɔ njérɔko̰je’g ləm, deḛ gə́ d’wəi lé ar deeje d’unda loo teḛ ləm, ɔrje ba̰ji rɔ njéba̰jije’g ləma, tubaje ndilje gə́ yèr meḛ dəwje’g ləm tɔ. Né gə́ seḭ iŋgaje lé to gə́ nénoji ya ndá né gə́ seḭ a karje kara a to gə́ nénoji ya ləm tɔ.

Bèe ndá ɓəlje el, seḭ lé gad ndogo sí ur dɔ ka̰ tḭtḭje bula.

See meḛ sí ndaji ta pana: Ma m’ree gə mba kar naŋg nee to gə loo kulee lɔm wa. Wah, bèe el. Nɛ ma m’ree gə kiambas ya.