Popular Bible Verses from Marcos 10

Share

Ma Ralaxel Chiquixo'l Ticawex na xc'un taj re canimaxic. Rire xc'unic re co'lnimanok y re colu'ya'a rib pa camic che quicolobexic uq'uiyal ticawex —xcha'.

Ec'u ri Jesús xutzu' quiwach, xubi'ij chique: —Ri ticawex na caquicolobej ta quib quituquel ma wa' lic c'ayew chiquiwach, no'j ri Dios ronoje cu'ano ma na jinta c'ayew chwach Rire —xcha'.

Ec'u ri Jesús xubi'ij che: —Jat chi utzil chomal, ma ruma ri cubulibal ac'u'x wuc', at cunutajinak chic —xcha'. Chupa c'u ri' la jok'otaj, ri potz' xtzu'nic y xterej bi chirij ri Jesús.

E uwari'che, ri xebujunimaj ri Dios, na ya'tal ta che ri ticawex cujach quipa —xcha'.

Ewi ri Jesús xutzu' uwach y lic xjuch' can uc'u'x che. Xubi'ij c'u che: —Xa jun chi ri lic chirajawaxic wi ca'an la: Oj la, c'ayij la ronoje tak ri beyomalil la y jacha c'u la chique ri niba'ib; jec'uri'la' c'o beyomalil la chila' chicaj. Tec'uchiri', peta la, terej lo la chwij y cuyu la ri c'ax cape pawi' la ruma lal nutijo'n —xcha che.

Ri Jesús xubi'ij c'u che: —¿Sa' ri cawaj can'an chawe? —xcha'. Ri potz' xuc'ul uwach: —Lal tijonel, cuaj quintzu'n tanchic —xcha'.

No'j chixo'l ri'ix na ube taj jela' cu'ano. Ma we c'o junok chiwe ri'ix caraj cu'ana aj wach, e chuya'a rib cu'an nimanel iwe'ix.

Pakatzij wi cambi'ij chiwe: China ri na cuc'ul ta rutakanic ri Dios jela' pacha' cu'an juna ralco c'o'm, ri' na coc ta chupa» xcha'.

Lic c'u e q'ui chique ri lic c'o quiwach wo'ora, chwach apanok na jinta chi quiwach; yey lic e q'ui chique ri na jinta quiwach wo'ora, e lic cac'oji' quiwach chwach apanok —xcha'.

No'j Ruch'a'tem ri Dios cubi'ij: Che ri jekebal lo ruwachulew echiri' ri Dios xebu'an ri ticawex, chi achi chi ixok xebu'ano. Y cubi'ij: Ruma c'u ri', rachi echiri' cac'uli'ic, caresaj rib chiquij ruchu-ukaw cha' cajeki' ruc' ri rixokil; y quicabichal c'u ri' quebu'ana xa e jun chwach ri Dios cacha'. Jec'uri'la', na e ta chi ca'ib ma xebu'ana xa e jun.