Popular Bible Verses from Mateo 21

Share

Jec'ula' ri', e janipa ri quitz'onoj che ri Dios ruc' cubulibal ic'u'x, quic'ul na —xcha'.

Ri Jesús xuc'ul uwach: —Pakatzij wi cambi'ij chiwe: We ta lic c'o cubulibal ic'u'x ruc' ri Dios y na queb ta c'ana ipa ruc', ri' na xew ta jewa' qui'an ri'ix pacha' wa xin'an ri'in che ri higo. Ma utz ne ri' quibi'ij che wa juyub: “Chatela wara y jate'c'ola chupa ri mar” quixcha' y e cu'ano.

Ec'u ri winak e nabe chwach cuc' ri eteran lo chirij xquijeko lic quesiq'uinic, caquibi'ij: «¡Kayaca uk'ij ri Ralc'o'al can ri rey David! ¡Nim uk'ij ralaxic ri jun petinak chupa rubi' ri Dios Kajawxel! ¡Kayaca uk'ij ri Dios c'o chila' chicaj!» quecha'.

Xubi'ij c'u chique: «Ri Dios jewa' cubi'ij chupa Ruch'a'tem: Che ri Wocho cabi'xic: “E luwar re oración” cacha'. No'j ralak 'anom alak che ri Wocho e jun luwar que elek'omab» xcha'.

Chibi'ij chique ri e aj Sion: “Chiwilape', ri Rey iwe'ix cac'un iwuc', u'anom lo ch'uti'n che rib; ucojom lo jun buru, wa' jun k'apoj buru, ral jun awaj aj eka'n” xcha'.

Tec'uchiri', xubi'ij ri Jesús chique: —¿Na ajilam ta neba ralak ri tz'ibital can chupa Ruch'a'tem ri Dios? Ma jewa' cubi'ij: E rabaj c'akital can cuma raj yacal ja, e abaj wa' lic xajawaxic cha' catiqui' lo ri ja. Wa' e ri Dios Kajawxel x'anaw re y ri'oj lic cacam kanima' che cacha'.

Ec'u uwari'che cambi'ij che alak: Camajataj na c'u che alak rutakanic ri Dios y caya'taj chique jujun chic tinamit cha' cuya ri jik'obalil caraj ri Dios che rutakanic.