Popular Bible Verses from Mateo 19

Share

Ri Jesús xutzu' quiwach y xubi'ij chique: —Ri ticawex na caquicolobej ta quib quituquel ma wa' lic c'ayew chiquiwach; no'j ri Dios ronoje cu'ano ma na jinta c'ayew chwach Rire —xcha'.

Jec'uri'la' na e ta chi ca'ib, ma xebu'ana xa e jun. E uwari'che, ri xebujunimaj ri Dios, na ya'tal ta che ri ticawex cujach upa —xcha'.

Ri Jesús xuc'ul uwach: —¿Na ajilam ta neba alak sa' ri tz'ibital can pa Ruch'a'tem ri Dios? Ma jewa' cubi'ij: Che ri jekebal lo ruwachulew echiri' ri Dios xebu'an ri ticawex, chi achi chi ixok xebu'ano. Y cubi'ij: Ruma c'u ri', rachi echiri' cac'uli'ic, caresaj rib chiquij ruchu-ukaw cha' cajeki' ruc' ri rixokil y quicabichal c'u ri' quebu'ana xa e jun chwach ri Dios.

No'j ri Jesús xubi'ij chique: «Chiya'a luwar chique ri raltak co ac'alab chepeta na wuc'. Mebik'atej; ma ri caqui'an e jela' pacha' rique, ri' cu'an que rutakanic ri Dios petinak chila' chicaj» xcha'.

»Lic c'u e q'ui chique ri lic c'o quiwach wo'ora, chwach apanok na jinta chi quiwach; yey lic e q'ui chique ri na jinta quiwach wo'ora, e lic cac'oji' quiwach chwach apanok.

Yey china c'u ri uya'om can rocho, ebuya'om can ri ratz-uchak', ruchu-ukaw, ri rixokil, ri ralc'o'al o ri rulew ruma ucojom ri nubi', ri' cuc'ul na jun ciento chic chwa ronoje la' yey cuc'ul c'u ri c'aslemal na jinta utakexic.

Ri Jesús xubi'ij che: —We ca'aj la e ca'an la janipa ri caraj ri Dios che ri binic silabic la, c'ayij la ronoje tak ri beyomalil la y jacha c'u la chique ri niba'ib; jec'uri'la' c'o beyomalil la chila' chicaj. Tec'uchiri', peta la, terej lo la chwij y cuyu la ri c'ax cape pawi' la ruma lal nutijo'n —xcha che.

Ri Jesús xuc'ul uwach: —¿Su'be cabi'ij la “utz” chwe? Ma xa jun ri lic utz c'olic, wa' e ri Dios. Yey we ca'aj la coc la pa ri c'aslemal na jinta utakexic ruc' Rire, e takej la Rutzij Upixab —xcha'.

Cambi'ij tanchi c'u chiwe: E ne más c'ayew ri coc juna beyom chupa rutakanic ri Dios chwa ri quic'ow juna camello chupa rutel juna acuxa' —xcha'.

Cambi'ij c'u ri'in che alak: China junok cuya ruwujil re jachbal ib che ri rixokil tob ri rixokil na macuninak ta chirij ri c'ulaniquil, yey cac'uli' tanchi ruc' juna chic ixok, ri' camacun chirij ri c'ulaniquil. Y china ri cac'uli' ruc' rixok jachom canok, ri' jenela' camacun chirij ri c'ulaniquil —xcha'.

Ec'uchiri', xubi'ij ri Jesús chique rutijo'n: —Pakatzij wi cambi'ij chiwe: Juna beyom lic c'ayew che coc chupa rutakanic ri Dios petinak chila' chicaj.