Popular Bible Verses from Lucas 17

Share

Xubi'ij c'u che rachi: —Chatyactajok y chamaja bi abe. Ma ruma ri cubulibal ac'u'x wuc', xatcolobetaj che ri yabil —xcha'.

Tob ne cu'an ri na utz taj chawe wukub laj chupa ri jun k'ij y wukub laj colu'tzelej utzij chawach, chacuyu umac» xcha ri Jesús.

C'o c'u jun chique, echiri' xrilo cunutajinak chic, xtzelej lok y xujeko casiq'uinic, lic cuyac uk'ij ri Dios. Xuxucuba' c'u rib xe'rakan uk'ab ri Jesús, xukasaj rupalaj c'a chu'lew y lic catioxin chwach, yey wa' wa'chi aj Samaria.

»Lic chiwila c'u iwib ri'ix. Ma we juna awatz-achak' cu'an ri na utz taj chawe, chach'a'bej upa. Y we xutzelej utzij chawach, chacuyu umac.

Ec'u ri Jesús jewa' xubi'ij: —¿Na e ta neba lajuj ri xecunutajic? Yey ri belejeb chic, ¿pa e c'o wi?

Y ri Kanimajawal Jesucristo jewa' xubi'ij chique: —We ta ri cubulibal ic'u'x caq'uiyic jela' pacha' caq'uiy rija' re moxtasa, utz ne ri' quibi'ij che wa jun che': “Chumich'a bi rib wara y chutica rib chupa ri mar,” y e cu'ana' —xcha'.

China ri lic cutij ri' che na cuya ta ranima' ruc'aslem, ri' e cujam ri chomilaj uc'aslemal chwach ri Dios; no'j china ri cuya ranima' ruc'aslem wuma ri'in, ri' e curik ri chomilaj uc'aslemal chwach ri Dios.

Ri Jesús xubi'ij chique rutijo'n: «Che ruwachulew lic c'o tzakibal pa mac, pero ¡lic tok'o' c'u uwach ri cumin junok chic chupa ri na utz taj, ma e cape ri k'atbal tzij re ri Dios puwi'! Ma e ne más utz cuya ri catzayabax bi pukul juna nimalaj ca' re que'em y cac'ak c'u bi chupa ri mar, chwa ri cumin junok pacha' wa ch'uti'k chupa ri na utz taj.

»Ma jela' pacha' ri xu'an chupa tak ri k'ij re ri Noé, jela' cu'ana pa ruc'unibal Ralaxel Chiquixo'l Ticawex. Ma conoje ri winak caquitij quiwa, caquitij quiya', quec'uli'ic y quequiya ri calc'o'al pa c'ulaniquil. Ec'u quetajin ri' che u'aniquil, echiri' xopon ruk'ijol xoc bi ri Noé chupa ri nimalaj barco; c'a tec'uchiri' xpe ri unimal jab y jela' xusach quiwach conoje.