Popular Bible Verses from Hebreos 4

Share

Ma Ruch'a'tem ri Dios lic c'aslic y lic c'o uchuk'ab. E ne pacha' más c'o re' chwa juna espada ca'ib uwi re', ri copon c'a che tak rigonsiyil y coc c'a pa c'o wi tak ri sulus chupa ri bak. Jec'ula' Ruch'a'tem ri Dios copon ne c'a chupa ruc'u'x y ri ranima' juna ticawex, yey cuk'alajisaj c'u runa'oj ri ticawex y tak ri rayibal c'o chupa ri ranima'.

E uwari'che, muxi'ij rib kac'u'x cojkib chwach ri Dios, ri c'o unimal rutzil c'u'xaj ruc', cha' cakac'ul cuybal kamac y cakarik to'bal ke echiri' cajawax chike.

Yey ri Kajawal, ri cach'aw pakawi' chwach ri Dios, lic c'o c'axna'bal uc'u'x chike, ma Rire lic cumaj usuc' ronoje ri cakic'owibej ri'oj oj ticawex ruma lic c'ayew chike cakach'ij uchuk'ab ri mac. Ma Rire echiri' xu'an ticawex, lic xc'am upa che ronoje jela' pacha' ca'an chike ri'oj, no'j Rire xuch'ij uchuk'ab wa' y na xmacun ta q'uenok.

Ronoje tak ri 'anatal ruma ri Dios, chwach Rire c'o wi. Ruma c'u ri', Rire caril ronoje y na jinta c'o ewatal chwach. Yey copon ne ri k'ij echiri' cojopon chwach Rire cha' cuk'at tzij pakawi' ruma ri ka'anom.

Ruma c'u la' e kachuk'ubej kib che ri xkajiquiba' uwach echiri' xkacoj rubi' ri Cristo y makesaj kib che wa'. Ma ri Jesús, Ruc'ajol ri Dios, e Kajawal; yey Rire oquinak chila' chicaj y cach'aw pakawi' chwach ri Dios.

Kachuk'ubej c'u kib cha' cojoc pa ri uxlanem cuya ri Dios, cha' jela' na jinta junok chike cu'ana aj palajiy tzij y cuc'ulumaj c'ut jela' pacha' ri xquic'ulumaj ri na xquicoj ta utzij ri Dios ojertan.