Popular Bible Verses from Efesios 3

Share

Ruma ruchuk'ab ri Dios kuc', Rire cuya más uwi' ronoje ri cakatz'onoj che o ri cakach'obo cu'ano. ¡Cheta'maxok nim uk'ij ri Dios ruma ri cu'an ruc' ru iglesia ruma ri Kanimajawal Jesucristo! Calok'nimax c'u uk'ij wak'ij ora y chikawach apanok na jinta chi utakexic. Amén.

Cantz'onoj che ri Kakaw cha' e chirij tak ri chomilaj ubeyomalil, cuya lo unimal chuk'ab pa ri anima' alak y jec'ula' cachuk'ubej ib alak ruma ri Ruxlabixel Rire. Cantz'onoj che ri Dios cha' cajeki' ri Cristo pa anima' alak ruma ri cubulibal c'u'x alak y catiqui' c'u alak chi utz chupa ri rutzil uc'u'x pacha' juna che' lic naj benak wi ri ratz'ayak. Chuya'a c'u che alak junam cuc' conoje ri e re Rire, ri queta'maj alak chi utz ri rutzil uc'u'x ri Cristo cha' jela' camaj alak usuc' janipa runimal uwach, runajtijil rakan, ruchoyil upa y runajtijil uwi' ri rutzil uc'u'x. Cheta'maj c'u alak ri unimal rutzil uc'u'x ri Cristo, tob na jinta junok lic cumaj usuc' ronoje wa'. 'Ana c'u e alak che janipa ri utz c'o ruc' Rire cha' cak'alajin tak wa' che ri binic silabic alak.

Ruma c'u ri Cristo xya'taj chike cojopon chwach ri Dios; lic c'u jiquil uwach, ri Dios cojuc'ul chi utz ruma ri cubulibal kac'u'x ruc' ri Cristo.