Popular Bible Verses from 1 Corintios 11

Share

Jec'ula' xu'an che ri c'olibal c'o vino chupa. Q'uisbal re ri cena, xuc'am ri c'olibal c'o vino chupa y jec'uwa' xubi'ij: «Wa ri ri' e ri c'ac' tzij cajiquibax uwach ruc' ri nuquiq'uel. Janipa laj quitij ri vino re wa cena, chi'ana' cuxtabal we ri'in» xcha ri Jesús. Janipa c'u laj camol ib alak cha' catij alak wa pam y cakum alak wa vino, e catajin alak ri' che utzijoxic rucamic ri Kanimajawal c'a echiri' cac'un tanchi Rire.

Ri nuc'ulum ri'in puwi ri sakil wa'im e ri nuc'utum chi che alak, yey wa' e junam ruc' ri ubi'im can ri Kanimajawal Jesucristo. Ma la' la'k'ab echiri' ri Jesús xc'ayixic, xuc'am ri pam, xutioxij che ri Dios y xuwech'o, jec'uwa' xubi'ij: «Chic'ama' y chitija', ma e nucuerpo wa' ri caya' pa camic iwuma ri'ix. Ec'uchiri' qui'an tak wa' chikawach apanok, chi'ana' re cuxtabal we ri'in» xcha ri Jesús.

Ruma c'u ri', china ri caraj cutij wa pam y cukum wa vino, nabe na lic chuna'a rib sa' ru'anom. Ma china ri cutij wa pam y cukum wa vino re ri Kanimajawal yey na cuch'ob tana chi utz we wa' e que'elawi rucuerpo ri Kanimajawal; ri' chiribil rib cuc'am lo ri k'atbal tzij re ri Dios puwi'.

E uwari'che china ri cutij wa pam y cukum wa vino re ri Kanimajawal yey na ruc' ta xi'in ib cutijo, ri' c'o ri k'atbal tzij re ri Dios puwi' ma e camacun chirij ri Kanimajawal echiri' cuc'ak bi uk'ij rucuerpo y ruquiq'uel.

'Ana che ri binic alak pacha' ri nubinic ri'in, jela' pacha' ri'in e can'an che ri nubinic pacha' rubinic ri Cristo.