Popular Bible Verses from San Mateo 9

Share

Ñeñthoꞌmarña ateth otan poeyochreshaꞌ: —Shonteꞌ narmets ñeñth nanak ellomhreꞌtets ñeñthchaꞌ aꞌyapaxhetañ. Tharraña atarwasañña ñeñthchaꞌ aꞌyapaxheꞌpaꞌ ama atarr atonayayeto. Theꞌpaꞌ añchaꞌña sanamoñ pamoꞌmteꞌ moeñanepaꞌña ñeñthchaꞌ aꞌyapaxherrets paꞌmro. Ñeñthpaꞌ ateth tomaꞌntatanet Jesús attho atarr shonteꞌ acheñeneshaꞌ ñeñthchaꞌ ameꞌñerrtsañ tharraña ñeñthchaꞌ ameꞌñaterrawetpaꞌ ama atarr atonayayeto. Añchaꞌña yanam Yompor ñeñth Yamoꞌmteꞌ yepen moeñanepaꞌña paꞌtarwasañer ñeñthchaꞌ thorraꞌyerrtsa ñokop allemeñ anetsoꞌmar.

Napaꞌ ama añekpayeꞌ nowapo atthoch nexhoreꞌtos ñeñth eꞌñe ateth entetsañ ñetpaꞌ eꞌñoꞌ kowen es phaꞌyenet. Napaꞌ añekopña nowapa atthoch nexhoreꞌtos ñeñth atarr ochñath entyetsa. Allochñapaꞌ atthoch oꞌch kothapeꞌcherret ello eꞌñe kowen Yomporekop. Sokoppaꞌ añ poktetsa ñerraꞌm oꞌch awerrespaꞌ señotwerrepaꞌchña ñeñth ateth yexhateney añ Yompor poꞌñoñ ñeñth ateth anareth awathotheñ. Ñeñthpaꞌ ateth oteney Yompor: “Napaꞌ ama eꞌñe aña kowen nenteno oꞌch sapoenen sayara ñeñth semtsen nokop. Añeꞌnaña atarr kowen nenten oꞌch semoereña allowen samoꞌtseshaꞌ.”

Allempo entosan shonteꞌ acheñeneshaꞌpaꞌ ñañapaꞌ nanak moerenanet. Tharroꞌmar eꞌñe ateth entenanet ñerraꞌmrratheꞌ carnero ñeñth ama akwamphsaretheyaye; ñeñthoꞌmarña nanak allpatatarethtenet tharroꞌmar ama eñalle ñeñthchaꞌ awamenkath penawet.

Attho eꞌmanet Jesús, ñañapaꞌ ateth tomaꞌntatanet: —Ñeñth eꞌñe womech entetsapaꞌ ñetpaꞌ ama eꞌneñetoña apartañ. Añña ñeñth atsnaꞌtetspaꞌ ñetñapaꞌ xhokma eꞌnenet ñeñthchaꞌ aꞌkrraterrawet.

Allothñapaꞌ aswawanom Jesús allowen anetso amaꞌt ñamha all ama tama eñalle acheñ. All yexhatyesosanet poerawoꞌmar. Serrpareꞌtatosanet ñeñth kowen ñoñets attho ayochreshathtena Yompor. Aꞌkrratyesosan ñeñth osyen paꞌnamen atsnañets ñamha ñeñth paꞌnamen atsotyenet.