Popular Bible Verses from San Mateo 15

Share

Añña ñeñth xhaꞌnets yenamoth ñeñth attho yeñosatseꞌtyen ñeñthpaꞌ eꞌñe yeyoxhroth wena ñeñthña xhokma yaꞌsosyateneꞌña Partsokop. Eꞌñe yeyoxhroth wena kothaphñats ñeñth amaꞌt mameshapaꞌ ama kowenayaye, ñeñthpaꞌ añ: moetsannaꞌteñets, chetapretannaꞌteñets, kañoreshaꞌteñets, etatsreꞌtyeñets, tomaꞌtamphsannaꞌteñets, sasareꞌteñets.

Ama añeyeꞌ yaꞌsosyatenaye Partsokop ñeñth yerraꞌyen yenamoth. Añkaꞌyeña yaꞌsosyateneꞌ yeñoñ ñeñth xhaꞌnets yenamoth ñeñth ateth yeñosatseꞌtyen.

Ñeñth acheñenesharpaꞌ eꞌñe poenamotha kowentatennanetañ; poeyoxhretoñapaꞌ ama xhenaneto ñeñth kowen nenten na. Eꞌñe orrena maꞌyochennet, ñeñth ateth yexhatannenetpaꞌ ñeñthpaꞌ eꞌñe acheña nayeꞌth awath pokthaphña.

Allempoña Jesúspaꞌ ateth otererr: —Xhepaꞌt nesñeshachaꞌ atarr nanak peyemtenna ñeñthepñapaꞌ atthetepaꞌch phokop ateth pemnen pha. Pakñeꞌtherñapaꞌ allorokma korrerra.

Koyaneshaꞌña ñeñth ama israelenaꞌtareyayepaꞌ ñañapaꞌ allentha on eꞌñe ñesho konkorposñañapaꞌ ateth otos: —Xhoña Nepapareshachaꞌ pebensamphsayeꞌcherrnan nakñeꞌther. Jesúsñapaꞌ tomaꞌntatana acheñeneshaꞌ ñeñth ama israelenaꞌtarneshayaye ñeñthoꞌmarña ateth och: —Ama pokteyaye oꞌch yeprratampes yakñethar poerrar oꞌch yewaporeꞌtampes alloꞌtsen ochek oꞌch rreꞌ ñamha ochek. Koyaneshaꞌñapaꞌ ateth otererr: —Amaꞌt attheñ Nepapareshachaꞌ tharraña amaꞌt ochekpaꞌxhoꞌña rraꞌyenan ñeñth aꞌshoreꞌtatyen pamoꞌmteꞌ poꞌmesaphnaxho.