Popular Bible Verses from Gálatas 1

Share

Theꞌ sapaꞌ señotenen napaꞌ ama añekpayeꞌ notenso atthoch kowen entenen acheñ, añña nemnen oꞌch kowen entenen Yompor. Ñamha ama acheñeneshayeꞌ nemneno oꞌch nokshach tharroꞌmar ñerraꞌm aña orameñ nemneñ oꞌch nokshach acheñpaꞌ ñeñthepñapaꞌ amatheꞌ errotheno noto napaꞌ poeyocher penen Cristo.

Tharraña napaꞌ oꞌch notas: Amaꞌt erraꞌtsenchaꞌ seserrpareꞌtateꞌ poꞌpoñ kothaphñats ñeñth ama ñeñtharayaye ñeñth ateth oꞌ sameꞌñerra awañapaꞌ ñeñth acheñerpaꞌ amoepaꞌch yenpoeñe Yompor. Amaꞌt yapaꞌxhoꞌña ñerraꞌm oꞌch alla yeserrpareꞌtaterrserr ello ñeñth ama ñeñtharayaye ñeñth ateth oꞌ neserrpareꞌtatwas awaña ñeñth poꞌñoxh alloch yekeshperra yapaꞌxhoꞌña amoepaꞌch alloꞌna yenpaꞌnenye Yompor. Ñamha amaꞌt añ ateth phatsa ñeñth Yompor poꞌmhllañotheñer entothpaꞌ amaꞌt ñapaꞌxhoꞌña amoepaꞌch yenpoeñe Yompor. Amaꞌt ñeñthpaꞌ oꞌ notwaseñ awathotheñpaꞌ tharraña theꞌpaꞌ oꞌch alla noterrserr, amoepaꞌch yenpoeñe Yompor ñeñth ateth petsa.

Theꞌpaꞌ eꞌñe newomhchaꞌteñothes oꞌch notas: Yomporepaꞌchña sebensareꞌtampeneꞌ ñeñth atarr Parets epoet Poechemer Jesucristo ñeñth Yepartseshar yepen. Ñetepaꞌchña sokshateneꞌ eꞌñe sa seyoxhro allowenes. Ñeñthara Jesucristo ñeñth eꞌñe pokteꞌ enteꞌ oꞌch rroma yoꞌchñarekop atthochña yapaꞌ kowenoꞌtseneychaꞌ amaꞌt añ patsropaꞌ sosyaꞌtsañoꞌtsenya, tharroꞌmar ñeñthpaꞌ ateth pokteꞌ eñch Pompor ñeñthara Yompor ñeñth nanak Parets.