Popular Bible Verses from Los Hechos 1

Share

Jesúspaꞌ alla oterraneterr: —Añña pokteꞌ oꞌch señoch, ñerraꞌm esempoch waponasa Parets Poekamkëñ sesho, ñach awamenkath sephoseꞌ. Allempopaꞌ saꞌpothonchaꞌ neñoñ errapharen —Jerusaléño, ñamha ora Judeo, ñamha Samario, ñamha ora allowanen pats.

Jesúsñapaꞌ ateth otanet: —Ñeñth sokoppaꞌ ama pokteyaye oꞌch señoch. Añña Yompor poꞌpartsoteñoth eꞌñe eñotweñ. Ñapaꞌ oꞌ neꞌ allempoch etsotwerra ora allowen añexhno.

Allempo alloꞌtsenet eꞌñe parro epoet poeyochreshaꞌpaꞌ ateth otanet: —Amach erra setatsto arroth, allasach arrma Jerusaléño. Oꞌch sekweñ esempoch xhaponasa ñeñth Parets Poekamkëñ. Tharroꞌmar Paretspaꞌ oꞌ otwas oꞌch moeñonas Poekamkëñ. Ñeñthoꞌmar napaꞌ oꞌ naꞌpothwonas Parets poꞌñoñ awaña. Allempopaꞌ añña ñeñth notwas: Juanañpaꞌ añothña apateꞌth oño, tharraña na tsapathonethpaꞌ añchaꞌña nechorratasa Parets Poekamkëñ. Añpaꞌ allowa ateth ot Jesús.

Amaꞌt pomoeroxhteñoth oꞌ rromwa awaña, allempoñapaꞌ oꞌ orrterrana poeyochreshaꞌ eꞌñe bethnathoth. Ñeñthoꞌmarña ñetpaꞌ eñochet eꞌñe poꞌñoxh añpaꞌ ñeñthara Jesús ñeñth rromats awaña. Tharroꞌmar paꞌtatsoch xharramatnerr attho orrtameꞌtnerranet mameshaꞌtets. Ñamha xhokma eñcheteꞌth allameꞌtets. Allempoña ñapaꞌ aꞌpothanet ateth penaña Parets poꞌkowenña attho ayochreshathtena ña.

Ñeñtha otwanenanetpaꞌ allempoñapaꞌ aꞌtenochayoꞌ enoneth. Añña poeyochreshaꞌ pokwanrrorteñothetpaꞌ oꞌ maꞌnatena oso. Oꞌwañ orrta, amaꞌt mamesha.

Amaꞌt allempo oꞌwañ orrta Jesús, ñetpaꞌ alloꞌ kowanrrortenet enoneth alleneth oꞌ chenkaꞌwanena Jesús. Allempoñapaꞌ kowerrtset patsonethpaꞌ alla entet epsheña yakma oꞌ thomxhaꞌtoset eꞌñe parro. Paꞌshtamoetpaꞌ nanakoꞌ wallamaꞌthareret. Ñetñapaꞌ ateth otosanet: —Eswañakaꞌ galileoꞌmarneshachaꞌ sekwanrrortenña enoneth. Añ Jesús ñeñth oꞌ aꞌterr entopaꞌ werrerrchaꞌ poꞌpocheño ateth senteñ oꞌ awerr ento.