Popular Bible Verses from 1 San Juan 5

Share

Yapaꞌ eꞌñe yeyemteñoth Yompor ñeñthoꞌmarña yeñoteñ es yenamh ñeñth pokteꞌ enten ña, yapaꞌ xhokmach eꞌmhñoteney.

Ñamha attho yeñoteñ ñapaꞌ xhokma eꞌmhñoteney ñerraꞌm es yenamh ñeñthoꞌmarña yeñoteñ eꞌñe allorokma oꞌ yoꞌpatatarethta ñerraꞌm eschaꞌ yenamoeñ.

Attho yemorrenteña Yompor xhoch yameꞌñerrñaña poꞌñoñ ñeñth ateth oteney. Oꞌch eꞌñe yepena ñeñth ateth oteney, ñeñthpaꞌ ama thorrapawoyaye. Tharroꞌmar alloweney ñeñthey poechemer pen Yompor, yañapaꞌ eꞌñe yeyemteñoth Jesús xhokma pomnaren yepen allowen ñeñth ama pokteyeꞌ entyeno Yompor arr patsro.

Ñeñthña agërreꞌ Yompor Poechemer añeꞌnaña oꞌ agërret atthochña ñetpaꞌ korretsetach thayotheñ eꞌñe errponañowen. Añña ñeñth ama agërraye Yompor Poechemer, ñetñapaꞌ amach eseshaꞌ agërraye alloch korrerret.

Ñeñth allpon oꞌ nekellkonas sa ñeñthes ameꞌñenaya Yompor Poechemer, sapaꞌ ñeñthchaꞌña señotaterreꞌ poꞌñoxh sapaꞌ korretsasach soksheñeshokmañen eꞌñe thayotheñ errponañowen.

Yeñoteñ alloweney ñeñthey poꞌñoxh eñalleterrtsa Yomporothpaꞌ amach alloꞌna yephaꞌneno ñeñth ochñarets enten Yompor. Tharroꞌmar Yompor Poechemerpaꞌ xhokma kowampeney ñeñthoꞌmarña oneñethpaꞌ amaꞌt eꞌñe mameshapaꞌ amach alla erroth perryeꞌthe.