Popular Bible Verses from Samz 91

Share

ka di Bondyé Senyè-a, “Sé ou ki ka fè défans mwen, sé ou ki ka pwotèkté mwen. Ou sé Bondyé mwen, sé an ou mwen ka mété tout konfyans mwen.”

Moun-an ki chaché pwotèksyon koté Bondyé-a ki anho tout lézòt-la, moun-an ki wèsté anba zèl Bondyé-a ki ni tout pouvwa-a

Lè yo kwiyé, mwen kay wéponn, mwen kay la épi yo lè twaka vini anlè yo. Mwen kay délivwé yo èk mwen kay onnowé yo.

Bondyé kay konmandé sé nanj li-a pou yo véyéʼw, yo kay pwotèktéʼw koté ou pasé.

I kay kouvèʼw anba zèl li menm kon an manman poul, i kay pwotèktéʼw pou anyen pa wivéʼw. Bondyé toujou ka tjenn pwonmèt li pou pwotèktéʼw èk fè défans ou.

Ou aksèpté Bondyé Senyè-a pou défans ou, èk Bondyé ki anho tout lézòt-la pou pwotèktéʼw, kon sa pyès movèzté pa kay wivé asouʼw, pyès malè pa kay wivé bò kay ou.

I kay délivwéʼw pouʼw pa pwi an zatwap, i pa kay kité sé vyé maladi-a ki ka tjwé moun-an vini anlèʼw.

Yon mil moun pé mò asou fasad gòch ou, épi dis mil pé tonbé asou fasad dwèt ou, mé sé malè sala pa kay tonbé anlèʼw.

Ou pa bizwen pè anyen ki ka fèt lannwit, ni lè lèlmi-an ataké lajouné, ni sé mové maladi-a ki ka tonbé asou moun lé swè-a, ni sé movèzté-a ki ka tjwé moun gwan midi-a.