Popular Bible Verses from Samz 34

Share

Bondyé Senyè-a toujou pwé sé moun-an ki dékouwajé-a, èk i ka sové sé moun-an ki pèd èspwa-a.

Mwen kwiyé asou Bondyé Senyè-a èk i tann mwen. Èk i délivwé mwen anba tout sa ki té ka fè mwen pè-a.

Nonm-lan ki dwèt-la ka pasé an pil soufwans, mé Bondyé Senyè-a ka tiwéʼy an tout.

Gouté, èk zòt kay wè mannyè Bondyé Senyè-a bon. Pa dé bon i bon pou tout moun i ka pwotèkté.

Sé moun-an ki mété konfyans yo an Senyè-a vin ni tjè kontan. Yo pa kay janmen hont.

Lè an nonm ki dwèt kwiyé Bondyé Senyè-a, i ka kouté, èk i ka délivwéʼy hòd tout twakaʼy.

Nanj Bondyé Senyè-a ka wèsté oliwon sé moun-an ki ni wèspé pou Senyè-a pou pwotèkté yo, èk i ka délivwé yo lè yo an danjé.

Tounen kont movèzté èk fè sa ki bon. Fè kon zòt pé pou viv an lapé èk tout moun.

Ében, pa palé moun mal, èk pa manti anlè moun.

Bondyé Senyè-a toujou ka kité zyéʼy asou sé moun-an ki dwèt-la, èk zòwèy li toujou ouvè lè yo kwiyéʼy.

Annou vini ansanm pou di ki mizi gwan Bondyé Senyè-a gwan. Annou lévé nonʼy ansanm!