Popular Bible Verses from Samz 103

Share

Kité mwen glowifyé Bondyé Senyè-a èk tout lam mwen, mwen pa kay obliyé tout sé bon bagay-la i ja fè-a.

I ka pawdonnen tout movèzté mwen, i ka djéwi tout maladi mwen. I ka chapé mwen sòti an djòl lanmò èk i ka benni mwen èk mizéwikòd li èk lanmityé-a i toujou ni pou mwen-an. I ka voyé bontéʼy asou mwen tout lavi mwen, kon sa mwen ka wèsté jenn èk fò menm kon an malfini.

Kité mwen glowifyé Bondyé Senyè-a èk tout lam mwen! Sé pou tout sa mwen ni andidan mwen glowifyé non Senyè-a ki pa ni pyès fòt-la.

Menm kon an papa ka twété manmay li byen, sé menm mannyè-a Bondyé Senyè-a ka twété sé moun-an ki ka wèspèktéʼy-la.

Menm kon koté sòlèy-la ka lévé-a lwen koté i ka kouché-a, sé menm otan lwen i ja jété fòt nou.

Bondyé Senyè-a ni mizéwikòd èk lagwas, i pa ka faché vit, èk tjèʼy toujou plen lanmityé.

I pa ka pini nou kon i sipozé pini nou, ni i pa ka ban nou jijman-an nou méwité-a pou péché èk movèzté nou. Menm hòtè ou ka wè syèl-la anho latè-a, sé menm mannyè-a i toujou ni lanmityé pou sé moun-an ki ka wèspèktéʼy-la.

Bondyé Senyè-a mété gwan chèz li an syèl, sé li ki wa-a ki ka kondwi tout bagay-la.