Popular Bible Verses from Mafyou 27

Share

Lè i té bò twazè apwémidi, Jézi hélé épi an gwo vwa. I di an langaj sé Jwif-la, “Eloi, Eloi, lama sabachthani?” Sa vlé di, “Bondyé mwen, Bondyé mwen, pouki ou ja tounen doʼw anlè mwen?”

Lè sala gwo wido épé-a ki té an Kay Bondyé-a déchiwé an dé mòso dépi an tèt pou wivé an bout li, tè-a soukwé, épi kayè fann. Sé twou moun mò-a ouvè, épi an pil moun Bondyé ki té ja mò wésisité.

Jézi hélé épi an gwo vwa ankò épi i mò.

Lè chèf sòlda-a épi sé lézòt sòlda-a ki té ka véyé Jézi-a wè twanblanntè-a épi tout sé bagay-la ki té fèt-la, yo té pè an chay. Yo di, “Nonm sala sété Gason Bondyé pou vwé!”

Lè i té midi, an gwo nwèsè kouvè tout péyi-a épi i diwé pou twa nèditan.

I mandé yo, “Bon, ki sa mwen kay fè épi Jézi yo ka kwiyé Mèsaya-a?” Yo tout hélé, “Kwisifyéʼy!” Mé Pilat mandé yo, “Ki mové bagay i ja fè?” Yo hélé èk tout kouway yo, “Kwisifyéʼy!”