Popular Bible Verses from NA SAME 51

Share

Kemuni na Kalou, mo ni bulia e lomaqu na yalo e savasava; Ka vakavouya e lomaqu na yalo sa dei tiko.

Mo ni vakasuka tale kivei au na marau ni bula sa vu maivei kemuni; Ka mo ni tokoni au e na yalo sa gumatua tiko.

Ni kakua ni vakasevi au mai na matamuni; Ka mo ni kakua ni kauta tani vei au na nomuni Yalo Tabu.

Ai soro vua na Kalou na yalo sa raramusumusu; A yalo sa ramusu, ka bibivoro, ko ni na sega ni cata, na Kalou.

Ni lomani au mai, na Kalou, me vaka na nomuni yalololoma: Me vaka na kena levu ni nomuni yalololoma, mo ni bokoca laivi na noqu i valavala ca. Mo ni vakasavasavataki au sara mai na noqu caka cala, Ka vuya laivi vei au na noqu i valavala ca.

Mo ni vakasavasavataki au e na isopi, ka'u na qai savasava: Vui au, ka'u na qai vulavula vakalevu ka vakalailai na uca-vulavula.

Vei kemuni, io, vei kemuni duaduaga, ka'u sai valavala ca, Ka cakava e matamuni na ka ca: Mo ni vakadonui ni kemuni sa vosa, Ka sega ni cala ni kemuni sa lewa.