Popular Bible Verses from NA SAME 34

Share

Sa voleka ko Jiova vei ira sa ramusu na yalodra; Ka sa vakabulai ira sa dasila na lomadra.

Au a vakasaqarai Jiova, ka sa rogoci au, Ka sa vakabulai au mai na noqu rere kecega.

Sa levu na ka rarawa sa yaco vua na yalododonu; Ia sa vakabulai koya ko Jiova mai na ka kecega.

Dou tovolea mada ka raica ni sa yalovinaka ko Jiova; Sa kalougata na tamata sa vakararavi vua.

Era sa ta cake vua, ka ra sa vakararamataki; Ka sa sega ni madua na matadra.

Era sa tagi na yalododonu, a sa rogoca ko Jiova, Ka sa vakabulai ira mai na nodra rarawa kecega.

Na agilose i Jiova, sa tiko vakavolivoliti ira era sa rerevaki koya, Ka sa vakabulai ira.

Lesu tani mai na ca, ka kitaka na ka vinaka; Qara na veivinakati, ka muria sara.

Tarova na yamemu mai na ca, Kei na tebenigusumu me kakua ni vosataka na ka lasu.

Sa vakaraici ira na tamata yalododonu ko Jiova, Ka sa qara tu na daligana ki na nodra masu.

Tou mai vakacaucautaka na yaca i Jiova, Ia me da doka vata na yacana.