Popular Bible Verses from NA SAME 31

Share

Dou gumatua, ena qai vakaukauwataka na yalomudou ko koya, Oi kemudou kecega sa nuitaki Jiova.

Sa tu e na ligamuni na noqu gauna; Ni vakabulai au mai na ligadra na noqu meca, maivei ira talega era sa vakacacani au.

A ka vakaidina na nomuni loloma, ko ni sa maroroya me nodra era sa rerevaki kemuni; Ko ni sa vakarautaka me nodra era vakararavi vei kemuni e matadra na luve ni tamata!

Ia ka'u a vakararavi vei kemuni, Jiova; Ka'u a kaya, Oi kemuni ga na noqu Kalou.

Kemuni sa noqu uluvatu kei na noqu i drodro; Ia mo ni tuberi au, ka liutaki au, e na vuku ni yacamuni.

Au sa solia na yaloqu ki na ligamuni; O ni a vakabulai au, Jiova, na Kalou daudina.

Dou lomani Jiova, koi kemudou kecega na nona tamata yalosavasava: Ni sa maroroi ira era sa lomadina ko Jiova, Ka sa cudruvi ira vakalevu era daucakacaka vakaviavialevu.

I Jiova, ka'u sa vakararavi vei kemuni; ni kakua ni laivi au me'u madua: Ni vakabulai au e na nomuni yalododonu.