Popular Bible Verses from MACIU 18

Share

Ia e na tikina sa soqoni vata kina e lewe rua, se lewe tolu, e na yacaqu, au sa tiko kina e na kedratou maliwa.

Au sa kaya tale vei kemudou. Kevaka e lewe rua vei kemudou sa lomavata e vuravura, me kerea e dua na ka, ena vakayacora vei rau na Tamaqu sa tiko mai lomalagi.

A sa kaciva mai e dua na gone lailai ko Jisu, ka vakatura e na kedra maliwa, ka sa kaya, Au sa kaya vakaidina vei kemudou, Kevaka dou sa sega ni saumaki mai, ka yaco me vaka na gone lalai, dou na sega sara ni curu ki na matanitu vakalomalagi

ia ko koya sa vakamalumalumutaki koya me vaka na gone lailai oqo, ko koya ga sa levu cake e na matanitu vakalomalagi.

Ia ko koya yadua sa vinakata e dua na gone lailai vakaoqo e na vuku ni yacaqu, sa vinakati au

Au sa kaya vakaidina vei kemudou, A ka kecega dou na vauca e vuravura, ena vauci mai lomalagi: ia na ka kecega dou na sereka e vuravura, ena sereki mai lomalagi.

Ena kitaka vaka talega kina vei kemudou ko Tamaqu vakalomalagi, kevaka dou sa sega ni dui sereki ira na wekamudou, mai na vu ni yalomudou, mai nai sau ni nodra caka ca.

ia ko koya sa vakacala e dua vei ira na lalai oqo era sa vakabauti au, sa vinaka vua kevaka ka vakarubeci e domona e dua na vatu i qaqi levu, ka vakadromutaki e na wasaliwa titobu.

Dou lewa vakaevei? kevaka e dua na tamata sa dua na drau na nona sipi, a sa yali e dua, ena sega beka ni biuta laivi tu na ciwasagavulu ka ciwa, ka lako ki na veiulu-ni-vanua me vakasaqarai koya ka yali?