Popular Bible Verses from LUKE 6

Share

mo dou dausoli, ka na soli vei kemudou; nai vakarau vinaka, ka tabaki sobu, ka kuretaki vata, ka vuabale, era na solia na tamata ki na lomaseremudou. Ia nai vakarau dou sa vakarautaka, ena vakarautaki tale vei kemudou.

A tamata vinaka sa kauta mai na ka vinaka mai na lololo vinaka ni lomana: kei na tamata ca sa kauta mai na ka ca mai na lololo ca ni lomana: ni sa vosataka na gusuda na ka sa oso vakalevu kina na lomada.

Ia mo dou lomani ira na nomudou meca, ka caka vinaka, ka solia me tauri mada ni dou sa sega ni nuitaka mo dou rawata tale e dua na ka; ena levu kina na kenai sau vei kemudou, ia dou na qai luve i Koya sa cecere sara: ni sa loma soli ko koya vei ira era sa sega ni vakavinavinaka ka sa tamata ca.

O koya mo dou qai yalololoma, me vaka sa yalololoma na Tamamudou.

Ia dou kakua ni daulelewa, dou na qai sega ni lewai: dou kakua ni dauveibeitaki, dou na qai sega ni beitaki: dou kakua ni daucudruva na tamata, dou na qai sega ni cudruvi

Ia ka’u sa kaya vei kemudou sa rogoca, Lomani ira na nomudou meca, caka vinaka vei ira sa cati kemudou, vosa vinaka vei ira sa rukaki kemudou, ka masulaki ira sa vakalialiai kemudou.

Ia me vaka dou sa vinakata me ra kitaka vei kemudou na tamata, dou kitaka vaka talega kina vei ira.

Kevaka e dua sa sabica na balumu e dua, golea talega vua nai kadua: ka mo kakua ni bureitaka na nomui curucuru vei koya sa kauta tani na nomu kote. Ia mo solia vei ira kecega sa mai kerekere vei iko; ka mo kakua ni taroga tale na nomui yau vei koya sa kauta tani.

Ni sa sega na kau vinaka me vuataka na vua ca; se na kau ca me vuataka na vua vinaka.

Ni sa kilai na kau kecega e na vuana. Sa sega ni veti na lolo mai na wa-vakavotona, se veti na vua-ni-vaini mai na wa-gadrogadro.