Popular Bible Verses from JONI 5

Share

E dina, e dina, au sa kaya vei kemudou, O koya sa rogoca na noqu vosa, ka vakabauti koya sa talai au mai, sa rawata na bula tawa mudu, ena sega talega ni cudruvi; ka sa lako mai na mate ki na bula.

Ni sa raici koya ko Jisu ni sa davo koto, ka kila sa dede, sa kaya vua, Ko sa via bula, se segai?

Dou sa vakasaqaqara e nai Vola Tabu; ni dou sa nanuma dou sa rawata kina na bula tawa mudu: ia nai vola oqo sa tukuni au. Ia dou sa bese ni lako mai vei au, mo dou rawata kina na bula.

Sa kaya vua ko Jisu, Tu cake, taura cake na nomui mocemoce, ka lako. A sa bula vinaka vakasauri na tamata, ka taura cake na nonai mocemoce, ka lako: ia na siga ko ya na siga ni vakacecegu.

Sa qai vosa ko Jisu, ka kaya vei ira, E dina, e dina, au sa kaya vei kemudou, E sega ni rawata vakai koya ga e dua na ka na Luvena, na ka ga sa raica ni kitaka ko Tamana; ia na veika sa kitaka ko koya, sa kitaka vaka talega kina na Luvena.