Popular Bible Verses from JEREMAIA 23

Share

Me vunitaki koya rawa beka e dua e na yasana vuni, me'u kakua ni raici koya? sa kaya ko Jiova. Au sa sega li ni roboti lomalagi kei vuravura? sa kaya ko Jiova.

Raica, sa kaya ko Jiova, ena yaco na gauna, ka'u na vakatubura kina vei Tevita e dua na Coke yalododonu, ia ena lewa e dua na Tui ka cakacaka yaco, ena ia ko koya na lewa kei na cakacaka dodonu e vuravura: e na nona gauna era na vakabulai kina na Juta, ia ko ira na Isireli era na tiko vinaka: ia oqo na yacana ena vakatokai kina, KO JIOVA NA NODA YALODODONU.

Ena ca ko ira nai vakatawa era vakacacana ka vakasavi ira na sipi ni noqu vanua veico! sa kaya ko Jiova.

Ia koi au, ka'u na vakasoqoni ira vata mai na kena vo ni noqu qele ni sipi mai na veivanua kecega ka'u sa dui vakasevi ira kina, ia ka'u na kauti ira tale mai ki na nodra lomanibai; ka ra na luvea ka tubu. Ia ka'u na lesia eso me nodra i vakatawa era na vakani ira: ka ra na sega ni rere tale, se taqaya, se yali, sa kaya ko Jiova.

Sa kaya vakaoqo ko Jiova ni lewe vuqa, Dou kakua ni vakarorogo ki na nodra vosa na parofita era sa ia na parofisai vei kemudou; era sa vakalialiai kemudou ga: era sa cavuta na raivotu wale e vu mai na lomadra ga, ka sa segai mai na gusu i Jiova.