Popular Bible Verses from 2 TUI 20

Share

Mo lesu tale, ka kaya vei Esekaia na nodra turaga na noqu tamata, Sa kaya vakaoqo ko Jiova na Kalou i Tevita na nomu qase: Au sa rogoca na nomu masu, au sa raica na wai ni matamu: raica, ka'u na vakabulai iko: e na kenai katolu ni siga ko na lako cake ki na vale i Jiova.

Au masuti kemuni, Jiova, mo ni nanuma mada na noqu lako voli e matamuni e na yalodina kei na yalo e dua bau, kei na noqu caka vinaka e matamuni. A sa tagi vakalevu ko Esekaia.

E na gauna ko ya sa tauvi Esekaia e dua na mate ka sa vakarau ciba kina. A sa lako mai vua ko Aisea na parofita, na luve i Emosi, ka kaya vua, Sa kaya vakaoqo ko Jiova, Mo tatau mada vei ira na nomu lewe-ni-vale; ni ko na mate, ka sega ni bula.

Ia ka'u na vakaikuritaka na gauna ni nomu bula me sa yabaki tinikalima tale; ia ka'u na vakabulai iko kei na koro oqo mai na liga i tui Asiria; ia ka'u na vakatawa na koro oqo e na vukuqu, e na vuku talega i Tevita na noqu i talatala.