Popular Bible Verses from 1 TIMOCI 6

Share

Mo ia ga nai valu vinaka ni vakabauta, taura na bula tawa mudu, o koya ko sa kacivi kina, ko sa vakatusa talega kina na vakatusa vinaka e na matadra na dauvakadinadina era sa lewe vuqa.

Ni sa vu ni ka ca kecega na daulomana nai lavo: era sa daukocova eso, a ra sa vakacalai kina e na vakabauta, a ra sa cokai ira sara vakai ira e na yaluma vakavuqa.

Ia sai yau levu na lotu kei na lomavinaka.

Ni sa sega na ka eda sa kauta mai ki vuravura, a sa dina sara ni sa sega na ka eda na kauta tani rawa.

Vakarota vei ira era sa vutuniyau e na gauna oqo, me ra kakua ni dokadokai ira se vakararavi e nai yau sa sega ni tu dei, vua ga na Kalou bula, o koya sa solia vakalevu vei keda na ka kecega eda marau kina

Ia ko ira era sa gadreva me ra vutuniyau, era sa bale ki na dauvere kei nai cori, kei na gagadre ca e vuqa, ka lialia, ka dauveivakacacani, oqori sa luluvuraki ira na tamata e na mate kei na rusa.

me ra caka vinaka, me ra vutu ni cakacaka e yaga, me ra lomasoli, me ra via veivuke; me ra binia tu me nodra na yavu ena yaga e na gauna e muri mai, me ra taura kina na bula sai koya na bula dina.