Popular Bible Verses from ማርቆሳ 6

Share

ቢያ ኣሳይኔ ዪያ ኣሳይ ዳሪና፥ ሃራይ ኣቶ ቁማ ማናዉካ ኡንቱንታ ጋናን ኢፄዳ ዲራው፥ ዬሱሲ ኡንቱንታ፥ «ኑሬካ ጉ ሼምፒ ኣካናው ኣሳይ ባይናሳ ቦይቴ» ያጌዳ።

ዬሱሲ ሄ ኣሳሲ፥ «ናቢ ባሬ ጋዲያን፥ ባሬ ዳባቱዋኒኔ ባሬንቱ ሶይ ኣሳን ቦንቼቴናዋፔ ኣቲን፥ ኡባሳን ቦንቼቴ» ያጌዳ።

ዬሱሲ ዎንጊሪያፔ ኬሲዴ፥ ጮራ ኣሳ ቤዔዳ፤ ኣሳይ ሄሚያ ኣሳይ ባይና ዶርሳ ማላ ጊዴዳ ዲራው፥ ቃሬቲዴ ኣሳ ዳሮባ ታማሪሱዋ ዶሜዳ።

ኢ ሄዋን ባሬ ኩሺያ ኣማሬዳ ኣሳቱዋ ቦላ ዎዴ፥ ኡንቱንታ ፓዳዋፔ ኣቲን፥ ጮራ ማላታ ኦናው ኣይኔ ዳንዳይቤና። ኣሳይ ኣማኒቤና ዲራው ማላሌቴዳ። ሄዋፔ ጉዪያን፥ ዬሱሲ ሄዋ ሄራን ዴዒያ ቄሪ ካታማቱዋን ዩዪ ዩዪዴ፥ ኣሳ ታማርሴዳ።

ዬሱሲ ኢቼሹ ዳቡዋኔ ላዑ ሞሊያ ኦይቂዴ፥ ፑዴ ሳሉዋ ፄሊዴ፥ ፆሳ ጋላቴዳ፤ ዳቦቱዋ ሜንዴ ኣሳው ጊሻና ማላ፥ ባሬና ካሊያዋንቱሲ ኢሜዳ፤ ቃሲ ላዑ ሞሊያካ ኡንቱንቱ ኡባው ሻኬዳ። ኣሳይ ኡባይ ሚዴ ካሌዲኖ። ሄዋፔ ጉዬ ኣቴዳ ዳቦቱዋ ዶካይኔ ሞሊያ ዶካይ ታማኔ ላዑ ዛምቤሊያ ኩሜዳዋ ዬሱሳ ካሊያዋንቱ ዴንዲኖ።