Popular Bible Verses from ዬሱሲ ኪቴዳዋንቱ ኦሱዋ 4

Share

ኣሳይ ኣቶቴ ዬሱሳ ባጋና ዴማናፔ ኣቲን፥ ሃራ ኦ ባጋናኔ ዴሜና፤ ኑኒ ኣ ሱንን ኦናው ቤሴ፤ ኣዪሲ ጎፔ፥ ፆሳይ ሳሉዋፔ ጋርሳን ኣሳሲ ኢሜዳ ሃራ ሱንይ ባዋ» ያጌዳ።

ኡንቱንቱ ፆሳ ዎሴዳዋፔ ጉዪያን፥ ሄ ኡንቱንቱ ሺቄዳሳይ ቃፄዳ። ኡንቱንቱ ኡባን ጌሻ ኣያናይ ኩሚና፥ ፆሳ ቃላ ቆንጬቴን ኦዴዲኖ።

ሃዒካ ጎዳው፥ ኡንቱንቱ ናሲያ ፄላ፤ ኑኒ ኔና ካሊያዋንቱ፥ ኔ ቃላ ኩሜን ቆንጬቴን ኦዳናዳን፥ ኑና ዳንዳዪሳ።

ጎሊያ ኬፂያዋንቱ ሂንቴንቱ ካዴ ኢፄዳ ቱሳይ ጎሊያ ኡባ ቶኪያ ኮሺያ ቱሳ ጊዴዳ።

ሺቁዋ ኣሳይ ጴፂሮሲኔ ዮሃኒሲ ፃሌዳ ፃላ ቤዔዳ ዎዴ፥ ኡንቱንቱ ታማሪቤና ጮ ኣሳ ጊዴዳዋ ኣኬኪዴ ማላሌቴዲኖ፤ ኡንቱንቱ ዬሱሳና ዴዒያዋካ ኤሬዲኖ።

ኣማኒያዋንቱ ኡባቱ ቆፋኒኔ ዎዛናን ኢቱዋ ጊዴዲኖ። ኡንቱንቱ ሜሂ ኡባይ ኢቲፔ ዴዒያዋፔ ኣቲን፥ ባሬው ዴዔዳባ ኦኒኔ ባሬንቱባ ጊቤና።