Popular Bible Verses from 2 ጴፂሮሳ ኪታ 3

Share

ኢቱ ኢቱ ቆፒያዋዳን፥ ጎዳይ ባሬ ኦና ጌዳዋ ኦናው ታኬና፤ ሺን ኦኒኔ ባሬ ናጋራፔ ሲማናዳን ኮዬፔ ኣቲን፥ ኦኒኔ ያና ማላ ኮዬና ዲራው፥ ሂንቴሲ ጊዴ ዳንዳያን ጋምዔ።

ሺን ታ ሲቃቶ፥ ሃ ኢቲ ዬዋቶ ዶጎፒቴ፤ ጎዳ ማታን፥ ኢቲ ጋላሳይ ሻዓ ላይ ማላ ጊዲያዋኔ፥ ቃሲ ሻዓ ላይይ ኢቲ ጋላሳ ማላ ጊዲያዋ ዶጎፒቴ።

ሺን ሂንቴ ኑ ጎዳ፥ ኑና ኣሺያ ዬሱሲ ኪሪስቶሳ ኣ ኬካቴኒኔ ኤራቴን ዲጪቴ። ኣው ሃዒኔ ሜና ጋላሳይ ጋካናው ጋላታይ ጋኮ። ኣሜንዒ።

ሺን ጎዳ ጋላሳይ ካዪሱዋዳን ያና። ሄ ጋላሲ ሳላቱ ዎልቃማ ጉንን ያና፤ ሳሉዋ ሜታቱ ዎልቃማ ሴላን ሲላና፤ ሳዓይኔ ኣ ቦላን ዴዒያ ኡባባይ ያና።

ኡባባይካ ሄዋዳን ዪያዋ ጊዶፔ፥ ሂንቴ ኣይ ማላ ኣሳ ጊዳናው ቤሲ? ሂንቴ ዴዑ ጌሻኔ ፆሳ ማላቲያዋ ጊዳናው ኮሼ። ሂንቴ ፆሳ ጋላሳ ናጊሺና፥ ሄ ጋላሳይ ኤሌካ ጋካናዳን፥ ሂንቴንቶ ዳንዳዬቲያዋ ኦቴ፤ ሄ ጋላሲ ሳላቱ ጉዴቲዴ ያናኔ ሳሉዋ ሜታቱካ ዎልቃማ ሴላን ሲላና።