Popular Bible Verses from مَتَّى 2

Share

وَ دَخَلَوْا فِي لُبّ الْبَيْت وَ لِقَوْا الصَّغِيرْ مَعَ أَمَّهْ مَرْيَمْ وَ سَجَدَوْا لَيَّهْ. وَ جَابَوْا هَدَايَا غَالِيِّينْ وَ فَكَّوْهُمْ وَ قَدَّمَوْهُمْ لِعِيسَى. أَنْطَوْه دَهَبْ وَ دُخَّانْ وَ لُبَانْ وَ صِبِرْ.

وِلْدَوْا عِيسَى فِي حِلَّةْ بَيْت لَحَمْ فِي دَارْ الْيَهُودِيَّةْ فِي زَمَنْ الْمَلِكْ هِرُودُسْ. وَ بَعَدْ وِلْدَوْه، مُسَافِرِينْ وَاحِدِينْ جَوْا لِمَدِينَةْ الْقُدُسْ مِنْ صَبَاحْ. وَ هُمَّنْ مُنَجِّمِينْ. وَ سَأَلَوْا النَّاسْ وَ قَالَوْا: «وَيْن مَلِكْ الْيَهُودْ الدَّهَابَهْ وِلْدَوْه؟ شِفْنَا نَجْمَتَهْ عَلَيْ الصَّبَاحْ وَ جِينَا أَشَانْ نَسْجُدُوا لَيَّهْ.»

وَ وَكِتْ شَافَوْا النَّجْمَةْ، هُمَّنْ بِقَوْا فَرْحَانِينْ مَرَّةْ وَاحِدْ.

وَ اللّٰهْ حَجَّى لَيْهُمْ فِي حِلِمْ وَ أَوْرَاهُمْ مَا وَاجِبْ يِقَبُّلُوا لِهِرُودُسْ وَ خَلَاصْ، قَبَّلَوْا دَارْهُمْ بِدَرِبْ آخَرْ. بَعَدْ الْمُنَجِّمِينْ فَاتَوْا خَلَاصْ، وَاحِدْ مِنْ مَلَائِكَةْ اللّٰهْ جَاءْ لِيُوسُفْ فِي حِلِمْ وَ قَالْ لَيَّهْ: «يَلَّا قُمّ! شِيلْ الصَّغِيرْ وَ أَمَّهْ وَ أَمْشِي بَيْهُمْ فِي مَصِرْ. أَقْعُدْ هِنَاكْ وَ مَا تِقَبِّلْ لَحَدِّي نَنْطِيكْ إِذِنْ. أَشَانْ هِرُودُسْ يِفَتِّشْ الصَّغِيرْ وَ يِدَوْر يَكْتُلَهْ.»