Popular Bible Verses from مَتَّى 13

Share

وَ التَّيْرَابْ الْوَقَعْ فِي التُّرَابْ الْعَدِيلْ يِمَثِّلْ النَّادُمْ الْيَسْمَعْ كَلَامْ اللّٰهْ وَ يَفْهَمَهْ. وَ هُو يِجِيبْ إِنْتَاجْ سَمَحْ مِثِلْ قَنْدُولْ الْعِنْدَهْ 100 أَوْ 60 أَوْ 30 حَبَّةْ.»

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّادُمْ الْيَسْمَعْ الْكَلَامْ لَاكِنْ مَشَاكِلْ الدُّنْيَا وَ رَيْدِتَهْ لِلْمَالْ يَكْتُلُوا الْكَلَامْ الْفِي قَلْبَهْ وَ بَيْدَا، كَلَامْ اللّٰهْ يَبْقَى لَيَّهْ مَا عِنْدَهْ فَايْدَةْ.

أَيِّ نَادُمْ الْيَسْمَعْ بِشَارَةْ الْمَمْلَكَةْ وَ مَا يَفْهَمْهَا، إِبْلِيسْ الشَّرِيرْ يَجِي وَ يِشِيلْ الْكَلَامْ مِنْ قَلْبَهْ. وَ دَا مِثِلْ التَّيْرَابْ الْوَقَعْ فَوْق الدَّرِبْ.

وَ التَّيْرَابْ الْوَقَعْ فِي التُّرَابْ الْعِنْدَهْ حَصْحَصْ يِمَثِّلْ النَّادُمْ الْيَسْمَعْ الْكَلَامْ وَ طَوَّالِي يَقْبَلَهْ بِفَرْحَةْ. وَ لَاكِنْ النَّادُمْ دَا مَا يَقْعُدْ ثَابِتْ إِلَى لِوَكِتْ شِيَّةْ بَسْ. وَ وَكِتْ الضِّيقَةْ تَجِي فَوْقَهْ وَلَّا النَّاسْ يِتَعُّبُوهْ بِسَبَبْ كَلَامْ اللّٰهْ، النَّادُمْ دَا، يَمْرُقْ عَجَلَةْ مِنْ الدَّرِبْ.

«وَ مَمْلَكَةْ اللّٰهْ هِي مِثِلْ كَنْز كَتِيرْ مَدْفُونْ فِي زَرَعْ. وَ نَادُمْ لِقِيهْ وَ فِرِحْ بِلْحَيْن وَ لَبَّدَهْ بَتَّانْ فِي بَكَانَهْ. وَ خَلَاصْ مَشَى بَاعْ كُلَّ شَيّءْ الْعِنْدَهْ وَ قَبَّلْ شَرَى الزَّرَعْ دَا مِنْ سِيدَهْ.

وَ تَيْرَابْ آخَرْ وَقَعْ فِي تُرَابْ عَدِيلْ وَ الْبِذْرَةْ قَمَّتْ وَ وِلْدَتْ وَ أَنْتَجَتْ وَ كُلِّ قَنْدُولْ عِنْدَهْ 100 أَوْ 60 أَوْ 30 حَبَّةْ.

خَلُّوا السِّعِدْ يَقْعُدْ فِي أُسْط الْقَمَحْ وَ يَكْبُرُوا سَوَا لَحَدِّي الْقَمَحْ يَنْجَضْ. وَ فِي وَكْت الْقَطِعْ، نِحَجِّي لِلنَّاسْ الْيَقْطَعَوْه وَ نُقُولْ: ”أَوَّلْ لِمُّوا السِّعِدْ وَ تُشُّوهْ. وَ لَاكِنْ الْقَمَحْ دَا، لِمُّوهْ وَ صُبُّوهْ فِي الْمَخَزَنْ.“›»