Popular Bible Verses from مَتَّى 11

Share

«تَعَالُوا لَيِّ إِنْتُو كُلُّكُو التَّعْبَانِينْ مِنْ التَّقَلَةْ الشَّايْلِينْهَا فِي رَاسْكُو وَ أَنَا نَنْطِيكُو جُمَّةْ.

شِيلُوا التَّقَلَةْ النَّنْطِيهَا لَيْكُو وَ أَبْقَوْا تَلَامِيذِي أَشَانْ أَنَا ضَلُولْ وَ حَنُونْ وَ تَلْقَوْا جُمَّةْ لِنُفُوسْكُو.

أَشَانْ التَّقَلَةْ النَّنْطِيهَا لَيْكُو دِي، مَا تَقِيلَةْ. أَيْوَى، التَّقَلَةْ النُّخُطَّهَا فَوْقكُو خَفِيفَةْ.»

«أَبُويِ اللّٰهْ وَكَّلَانِي بِكُلَّ شَيّءْ. مَا فِي نَادُمْ الْيَعَرِفْ إِبْن اللّٰهْ إِلَّا أَبُوهْ. وَ مَا فِي نَادُمْ الْيَعَرِفْ اللّٰهْ، إِلَّا إِبْن اللّٰهْ وَ النَّادُمْ الْإِبْن اللّٰهْ يِدَوْر يِوَصِّفْ لَيَّهْ أَبُوهْ.

وَ عِيسَى رَدَّ لَيْهُمْ وَ قَالْ: «أَمْشُوا وَ أَوْرُوا يَحْيَى بِكُلَّ شَيّءْ الشِّفْتُوهْ وَ السِّمِعْتُوهْ. الْعَمْيَانِينْ قَاعِدِينْ يِشِيفُوا وَ الْعُرُجْ قَاعِدِينْ يُرُوغُوا وَ الْعِنْدُهُمْ جِدَامْ قَاعِدِينْ يَلْقَوْا الْعَافَيْ وَ الطَّرْشَانِينْ قَاعِدِينْ يَسْمَعَوْا وَ الْمَيْتِينْ قَاعِدِينْ يَبْعَثَوْا. وَ الْمَسَاكِينْ قَاعِدِينْ يَسْمَعَوْا الْبِشَارَةْ.

أَيِّ نَادُمْ الْعِنْدَهْ أَدَانْ خَلِّي يَسْمَعْ!