Popular Bible Verses from 2 مُلوك 6

Share

وَ أَلْيَسَعْ شَحَدْ اللّٰهْ وَ قَالْ: «يَا اللّٰهْ، أَفْتَحْ عُيُونَهْ أَشَانْ يِشِيفْ!» وَ اللّٰهْ فَتَحْ عُيُونْ الْخَدَّامْ وَ شَافْ الْجَبَلْ مَلَانْ بِخَيْل وَ عَرَبَاتْ هَنَا نَارْ مُحَوِّقِينْ أَلْيَسَعْ.

وَ سِيدَهْ رَدَّ لَيَّهْ وَ قَالْ: «مَا تَخَافْ! أَشَانْ هُمَّنْ الْقَاعِدِينْ مَعَانَا كَتِيرِينْ زِيَادَةْ مِنْ الْقَاعِدِينْ مَعَاهُمْ.»

وَ خَدَّامْ نَبِي اللّٰهْ قَمَّ بِفَجُرْ بَدْرِي وَ مَرَقْ. وَ دَاهُو شَافْ عَسْكَرْ كَتِيرِينْ حَوَّقَوْا الْحِلَّةْ بِخَيْل وَ عَرَبَاتْ. وَ الْخَدَّامْ قَالْ لِسِيدَهْ: «هَايْ، يَا سِيدِي! نِسَوُّوا كِكَّيْف؟»

وَ عَسْكَرْ الْأَرَامِيَّيْن وَجَّهَوْا عَلَيْ أَلْيَسَعْ. وَ هُو شَحَدْ اللّٰهْ وَ قَالْ: «مِنْ فَضْلَكْ، أَضْرُبْ النَّاسْ دَوْل يَبْقَوْا عَمْيَانِينْ!» وَ طَوَّالِي، اللّٰهْ ضَرَبَاهُمْ وَ بِقَوْا عَمْيَانِينْ حَسَبْ كَلَامْ أَلْيَسَعْ.

وَ نَبِي اللّٰهْ سَأَلَهْ وَ قَالْ: «وَقَعَتْ وَيْن؟» وَ هُو وَصَّفْ لَيَّهْ الْبَكَانْ. وَ أَلْيَسَعْ قَطَعْ عُودْ وَ زَقَلَهْ فِي نَفْس الْبَكَانْ الْوَقَعَتْ فَوْقَهْ الْفَاسْ. وَ خَلَاصْ، الْفَاسْ طَاحَتْ فَوْق فِي رَاسْ الْأَلْمِي.

وَ وَكِتْ وَاحِدْ مِنْهُمْ قَاعِدْ يَقْطَعْ لَيَّهْ مُرْدَاسْ، الْفَاسْ نَصَلَتْ وَ وَقَعَتْ فِي لُبّ الْأَلْمِي. وَ الرَّاجِلْ صَرَخْ وَ قَالْ: «هَايْ، يَا سِيدِي! الْفَاسْ دِي أَنَا أَلْعَتَّلْتَهَا عَتِيلَةْ.»

وَ بَعَدْ دَا، أَلْيَسَعْ قَالْ لَيَّهْ: «أَمْرُقْ الْفَاسْ!» وَ الرَّاجِلْ مَدَّ إِيدَهْ وَ شَالْهَا.