Popular Bible Verses from Filibbi 2

Share

Wa ma tisawwu cheyy min al-husud wa l-istikbaar. Khalli ayyi waahid yimaskin nafsah wa yichiif akhwaanah akheer min nafsah. Khalli ayyi waahid ma yifakkir fi l-cheyy al-yijiib faayde leyah hu wiheedah bas, laakin khalli yukhutt baalah fi l-cheyy al-yijiib faayde le l-aakhariin.

Al-fikir al-intu waajib titaabuʼuuh, hu nafs al-fikir al-Isa al-Masiih taabaʼah.

Min awwal hu indah tabiiʼat Allah laakin ma dawwar yamsuk le nafsah gudurtah al-rabbaaniiye. Be l-aks, hu khalla minnah kulla cheyy wa sawwa nafsah misil abid wa khassad yaldooh wa yabga insaan. Wa wakit bigi naadum, hu maskan nafsah wa bigi taayiʼ lahaddi l-moot wa khassad yumuut moot cheen fi l-saliib.

Achaan Allah hu al-gaaʼid yisawwi amalah foogku wa hu yantiiku al-niiye wa l-gudra le tisawwu al-cheyy al-adiil al-yarda beyah.

Achaan da, Allah rafaʼah foog marra waahid wa antaah usum aali min kulla l-asaame lahaddi ayyi waahid yicharrif usum Isa fi l-sama wa fi l-ard wa tihit al-ard wa yarkaʼ giddaamah. Wa lahaddi ayyi waahid yachhad wa yuguul kadar Isa al-Masiih hu al-Rabb wa yimajjid Allah abuuh.

Fi kulla cheyy ma tachku wa la tihaaruju ambeenaatku. Achaan tabgo naas bala khata wa bariyiin wa tiʼiichu misil iyaal Allah bala eeb fi usut al-naas al-fasliin wa uwuj hana l-dunya di. Wa tabgo fi usuthum nuur misil al-nujuum fi l-aalam al-adlam

Fi chaan kulla l-kalaam da, ya akhwaani al-nihibbuku, asmaʼo kalaami. Wakit ana maʼaaku, intu daayman titaabuʼu kalaam Allah. Wa hassaʼ wakit ana ma maʼaaku, waajib titaabuʼuuh be ziyaada. Jaahudu be khoof wa rajifiin le tisawwu kulla cheyy al-waajib le l-naas al-Allah najjaahum.