Popular Bible Verses from Markhus 9

Share

Wa Isa gaal : «Inta gult kan ma gaasi leyi. Wa ana nuguul kan naadum indah iimaan, ma fi cheyy gaasi leyah.»

Wa tawwaali, abu al-wileed radda leyah be hiss foog wa gaal : «Indi iimaan ! Najjiini min chukuuki !»

Wa baʼadeen Isa dakhal fi l-beet wa talaamiizah jo leyah wiheedhum. Wa saʼalooh wa gaalo : «Maala ma gidirna taradna al-cheetaan da ?» Wa radda leehum wa gaal : «Al-cheetaan al-nafar da ma yintarid illa be l-sala.»

«Al-mileh adiil. Laakin kan taʼaamah bigi ma fiih, chunu yigabbilah ? Abgo taaʼimiin misil al-mileh wa khalli al-salaam yagood ambeenaatku.»

Wa gaal : «Ayyi naadum al-yakhbal wileed sakhayyar misil da be usmi, yakhbalni ana. Wa l-naadum al-khibilaani, ma khibilaani ana wiheedi. Hu khibil Allah al-rassalaani.»

Wa nuguul leeku al-hagg, ayyi naadum al-yantiiku kaas hana almi achaan intu naas al-Masiih, ajrah ma yiwaddir abadan.

«Wa laakin ayyi naadum al-yitallif iimaan hana waahid min al-muʼminiin al-dugaag dool, al-azaab al-yarjaah yabga chadiid lahaddi akheer leyah kan rabato fi ragabatah murhaaka kabiire wa zagalooh fi l-bahar.

Wa kan eenak tidoor tamurgak min al-derib al-adiil, sillaha ! Akheer leek tadkhul fi mamlakat Allah be een waahide bas min yazguluuk fi Jahannam be uyuunak al-itneen.