Popular Bible Verses from Matta 5

Share

Wa l-naas ma yiʼoogudu faanuus wa yidissuuh fi tihit doozam laakin yukhuttuuh fi bakaan foog achaan yidawwi le kulla l-naas al-fi l-beet. Wa misil da, khallu nuurku yidawwi giddaam al-naas. Wa khalluuhum yichiifu khidmitku al-samhe wa yachkuru abuuku Allah al-gaaʼid fi l-samaawaat.

Wa intu nuur le naas al-dunya. Kan hille kabiire gaaʼide fi raas hajar, ma mumkin yilabbuduuha.

Mabruuk le l-naas al-galibhum taahir achaan humman yichiifu Allah.

Mabruuk le l-naas al-atchaaniin wa jiiʼaaniin le l-adaala achaan Allah yichabbiʼhum.

Wa laakin ana nuguul leeku hibbu aduuku wa asʼalo Allah be l-kheer le l-naas al-yitaʼʼubuuku wa yaturduuku.

«Mabruuk le l-naas al-yaʼarfu nufuushum masaakiin giddaam Allah achaan mamlakat Allah hintuhum.

Mabruuk le l-naas al-yijiibu al-salaam achaan Allah yajʼalhum iyaalah.

Mabruuk le l-naas al-haznaaniin achaan Allah yisabbirhum.

Mabruuk le l-naas al-yitaʼʼubuuhum fi chaan al-adaala achaan mamlakat Allah hintuhum.

Mabruuk le l-naas al-yarhamo akhwaanhum achaan humman yalgo rahma min Allah.

«Mabruuk leeku intu wakit al-naas yiʼayyuruuku wa yaturduuku wa be l-kidib yukhuttu foogku kalaam cheen achaan intu talaamiizi. Afraho wa anbastu ziyaada achaan ajurku fi l-sama yabga katiir bilheen. Achaan awwal al-naas taʼʼabo al-anbiya al-jo gubbaalku. Wa khalaas intu kula tabgo misilhum.

Mabruuk le l-naas al-daluuliin achaan humman yawrusu al-ard.

«Intu misil mileh le naas al-ard. Wa kan taʼaam al-mileh bigi ma fiih, chunu yigabbilah ? Ma indah faayde wa khalaas yidaffuguuh barra wa l-naas yifajjukhuuh.

Khalaas, abgo naas kaamiliin misil Allah abuuku fi l-sama kaamil.»

Kan kalaamak ‹Aywa›, guul ‹Aywa›. Wa kan kalaamak ‹La›, guul ‹La›. Wa ayyi kalaam al-ziyaada min da jaayi min charr Ibliis.

«Simiʼtu gaalo : <Een be een wa sinn be sinn.> Wa laakin ana nuguul leeku ma tigabbil al-fasil le l-naadum al-sawwa leek al-fasil. Wa kan naadum daggaak fi chidgak al-zeene, antiih al-isra kula.

Wa kan eenak al-zeene tidoor tamurgak min al-derib al-adiil, sillaha ! Azgulha baʼiid minnak ! Achaan kan waddart cheyy waahid min jismak akheer leek min yazgulu kulla jismak fi naar Jahannam. Wa kan iidak al-zeene tidoor tamurgak min al-derib al-adiil, agtaʼha ! Azgulha baʼiid minnak achaan kan waddart cheyy waahid min jismak akheer leek min yazgulu kulla jismak fi naar Jahannam.