Popular Bible Verses from Matta 2

Share

Wa dakhalo fi lubb al-beet wa ligo al-sakhiir maʼa ammah Mariyam wa sajado leyah. Wa jaabo hadaaya khaaliyiin wa fakkoohum wa gaddamoohum le Isa. Antooh dahab wa dukhkhaan wa lubaan wa sibir.

Wildo Isa fi hillit Beet Laham fi daar al-Yahuudiiya fi zaman al-malik Hiruudus. Wa baʼad wildooh, musaafiriin waahidiin jo le Madiinat al-Khudus min sabaah. Wa humman munajjimiin. Wa saʼalo al-naas wa gaalo : «Ween malik al-Yahuud al-dahaabah wildooh ? Chifna najmatah ale l-sabaah wa jiina achaan nasjudu leyah.»

Wa wakit chaafo al-najma, humman bigo farhaaniin marra waahid.

Wa Allah hajja leehum fi hilim wa ooraahum ma waajib yigabbulu le Hiruudus wa khalaas, gabbalo daarhum be derib aakhar. Baʼad al-munajjimiin faato khalaas, waahid min malaaʼikat Allah ja le Yuusuf fi hilim wa gaal leyah : «Yalla gumm ! Chiil al-sakhiir wa ammah wa amchi beehum fi Masir. Agood hinaak wa ma tigabbil lahaddi nantiik izin. Achaan Hiruudus yifattich al-sakhiir wa yidoor yaktulah.»