Popular Bible Verses from Yaakhuub 3

Share

Laakin al-hikma al-min Allah awwalan ke saafiye wa l-naadum al-indah al-hikma yiriid al-salaam wa kalaamah baarid wa raasah ma gawi wa hu hanuun wa yisawwi amal al-kheer wa hu ma indah tafrikha wa la nifaakh.

Yaatu minku hakiim wa faahim ? Khalli yiwassif amalah be haalah al-samhe be nafas baarid wa hikma.

Wa natiijat al-adaala mazruuʼa fi l-salaam le l-naas al-yisawwu amal al-salaam.

Fi ayyi bakaan al-gaaʼidiin foogah al-husud wa l-istikbaar, al-barjaal wa kulla cheyy fasil kula gaaʼidiin foogah.

Beyah hu, nachkuru Allah abuuna wa beyah hu battaan, nalʼano al-naas al-Allah khalagaahum fi suurtah. Be khachum al-waahid bas nachkuru wa nalʼano beyah. Ya akhwaani, khalli ma yabga misil da.

Wa l-lisaan, hu kula misil al-naar achaan beyah nuguulu kalaam fasil wa hu yinajjis kulla jilidna. Wa naar al-lisaan di taakul hayaatna min awwalha lahaddi akhiirha. Wa l-naar di jaaye min naar Jahannam zaatah.

Wa laakin ma fi naadum yagdar yidallil lisaanah. Al-lisaan hu cheyy fasil al-ma yagood saakit wa malaan be l-samm al-yaktul.

Ya akhwaani, khalli katiiriin minku ma yabgo muʼallimiin achaan taʼarfu kadar Allah yihaasibna aniina al-muʼallimiin chadiid min al-naas al-aakhariin.