Popular Bible Verses from Khuruuj 8

Share

Wa l-sahhaariin sawwo sihirhum le yigawwumu ambaaʼuuda wa ma gidro. Wa laakin ambaaʼuuda gaaʼide taakul fi l-naas wa fi l-bahaayim. Wa l-sahhaariin gaalo le l-malik : «Da cheyy min gudrat al-Rabb.» Wa laakin al-malik sawwa raas gawi wa aba ma simiʼ kalaam Muusa wa Haaruun misil Allah gaalah.

Khalaas, Allah gaal le Muusa : «Amchi le l-malik wa guul leyah : ‹Daahu Allah gaal : “Khalli chaʼabi yamurgu min baladak wa yamchu yaʼabuduuni.

Wa laakin wakit al-malik chaaf kadar hu anhalla khalaas, battaan gamma sawwa raas gawi wa aba ma simiʼ kalaam Muusa wa Haaruun misil Allah gaalah.

Wa kan inta abeet ma tikhalliihum yamurgu, namla kulla baladak be difdeʼ.

Wa baʼad da, Allah gaal le Muusa : «Guul le Haaruun yimidd al-asa wa yadrub al-turaab wa l-ajaaj yugumm wa yabga ambaaʼuuda fi kulla balad Masir.»

Wa Allah sawwa al-cheyy da misil hu gaalah. Wa dubbaan amboojani malo gasir al-malik wa buyuut khaddaamiinah wa kulla balad Masir addammarat.