Popular Bible Verses from Khuruuj 2

Share

Wa l-Rabb zaatah simiʼ ganiithum wa fakkar le l-muʼaahada al-sawwaaha maʼa juduudhum Ibraahiim wa Ishaakh wa Yaakhuub. Wa l-Rabb chaaf Bani Israaʼiil wa irif haalithum.

Wa baʼad mudda tawiile, malik Masir maat. Wa Bani Israaʼiil gaaʼidiin yaguntu min al-taʼab hana l-ubuudiiye wa gaaʼidiin yasrakho lahaddi siraakhhum lihig al-Rabb.

Wakit al-sakhiir kibir, ammah waddatah le bineeyit al-malik wa hu bigi leeha misil wileedha. Wa hi gaalat : «Nisammiih Muusa achaan ana chiltah min lubb al-almi.»

Wa bineeyit al-malik gaalat le l-mara di : «Chiili al-sakhiir da. Raddiʼiih leyi wa nikaffiiki maahiiyitki.» Khalaas, ammah chaalatah wa gaaʼide tiraddiʼah.

Baʼad chiyya ke, bineeyit al-malik jaat tilbarrad fi bahar al-Niil wa khaddaamaatha gaaʼidaat yuruukhan fi khachum al-bahar. Wa khalaas, hi chaafat al-guffa fi lubb al-birdi. Min chaafatha, gammat rassalat khaddaamitha le tamchi tijiibha leeha.

Wa baʼad Muusa tamma raajil khalaas, yoom waahid gamma macha le ahalah al-Ibraaniyiin wa chaaf khidmithum hana l-ubuudiiye. Wa fi l-bakaan da, Muusa chaaf Masri waahid gaaʼid yudugg Ibraani waahid min ahalah. Wa wakit Muusa chaaf jaay wa jaay wa ma fi naadum jambah, khalaas gamma katal al-Masri wa dafanah fi l-ramla.