Popular Bible Verses from 1 Butrus 2

Share

Laakin kan leeku intu, bigiitu al-gabiila al-Allah azalaaha wa rujaal diin hana l-malik al-kabiir wa umma mukhassasa le Allah wa chaʼab Allah zaatah. Hu naadaaku achaan tamurgu min al-dalaam wa tadkhulu fi nuurah al-ajiib wa khalaas tiballukhu khabar hana aʼmaal Allah al-kubaar.

Wa fi l-saliib, hu be nafsah hamal zunuubna fi jismah achaan nikhallu al-zunuub marra waahid wa niʼiichu be haal saalhe. Wa be waasitat jiraahah, intu ligiitu al-chifa. Achaan awwal intu misil khanam muwaddiriin laakin hassaʼ gabbaltu le raaʼiiku al-yahfadku.

Wa maktuub fi l-Kitaab : <Awwal intu ma chaʼab Allah laakin hassaʼ intu bigiitu chaʼabah. Awwal rahmat Allah ma jaat foogku laakin hassaʼ rahmatah jaat foogku khalaas.>

Wa misil al-sakhiir al-yitmanna laban ammah, intu kula atmanno kalaam Allah al-misil laban saafi. Wa be l-kalaam da, takburu wa talgo al-naja.

Ya akhwaani al-nihibbuku al-aaychiin fi l-dunya misil ajaanib wa diifaan, nuguul leeku angarʼu. Chahwaat al-insaan adu. Aabo ma titaabuʼuuhum. Khalli haalku fi ust al-naas al-ma muʼminiin tabga adiile. Wa be misil da, kan yakdubu fiiku wa yuguulu intu naas fasliin kula, yichiifu amalku al-sameh wa fi l-akhiir, yimajjudu Allah fi yoom al-faraj.

Wa intu kula misil hujaar al-hayyiin al-Allah gaaʼid yabni beeku beet hana Ruuhah. Wa intu rujaal diin khaassiin wa gaaʼidiin tigaddumu le Allah dahaaya be izin al-Ruuh al-Khudduus al-Allah yarda beehum be waasitat Isa al-Masiih.

Achaan da, khallu minku kulla l-fasaala wa kulla l-najaada wa l-nifaakh wa l-husud wa l-gatiiʼe.

Garrubu leyah. Hu bas al-hajar al-hayy al-Allah azalah al-muhimm bilheen laakin al-naas ma dawwarooh.

Iichu be hurriiye laakin ma tichiilu al-hurriiye di fursa le tisawwu beeha al-fasaala wa ma tanso kadar intu abiid Allah.

Wa da al-yidoorah Allah leeku. Be l-kheer al-tisawwuuh, tiwaggufu al-kalaam al-baatil al-yuguuluuh foogku al-naas al-juhhaal.