Popular Bible Verses from Azaya 6

Share

Nya ƃe ŋá Ǹuu-namui wóo mɛ̀ni ǹyɛɛi, “Gbɛɛ ƃé ŋa pâi dɛɛ̂i? Gbɛ̂ɛ ƃé pâi kɛ̂i a kúworɛ̂-wooi ƃó-nuui?” Nya ƃe ŋá mò m̀a ńyɛɛi, “Ńyãa ká ŋí. Ńdɛɛ!”

Ŋá kɛ̀ díwoo mɛnîi díkɛ mò díkîe-ni dîa dîyɛɛi, “Ŋ̀wála-wâla kélee Yâwɛɛi maa waâi, maa waai, maa waai! Ŋɔfólo-laai a ǹɔii gwaa kélee lá fɛ́ɛ.”

Nya ƃe ŋá mò ńyɛ̃̂ɛi, “Kili-kɛ zu fé ŋɔ́nɔ ńyêei! Ńaŋɔɔ̂i. Ḿaa fé waa ní. Diai ŋ́gaa dísamai dia máŋ dímaa fé waa ní. Kɛ́lɛ ŋaâ Ŋ̀wála-wâla kélee Yâwɛɛi káa nyíi gáa a zɛŋ kélee mɛi Kâloŋ.”

Góraŋ Gâloŋ Uzia è sàa lai, ŋá Ǹuu-namui kâa seê-ni ŋɔkâloŋ see-sɛŋ ŋá ɣelêi-pere póŋ-poŋ. Ŋɔkâloŋ seɣei è Ŋɔpɛ́rɛ Kɛ́tɛi lá fɛ̀ɛ.

È zèe ńa-gbɔ ma ǹyɛɛ ḿâi, “Gáa, ŋa lɛɣɛ íla-gbɔ ma. Ísɔŋ a waa yâ, ísu-mɛni a lɛɛ ísɔnyɔ̂ŋ-ŋai mɛni ma.”

Ɣâla-taa kooŋ-sãa díkɛ̀ ŋ̀uŋ mɛi-pere. Dɔnɔ koôŋ è kɛ̀ ma lɔ́ɔlu mɛi da. Díkoôŋ lɔ́ɔlu mɛi dai ŋí, dí díŋɛi mɛi pɛ̂lɛ a veerɛ-feerɛ. Dí díkpono mɛi pɛ̂lɛ a veerɛ-feerɛ, díkɛ kòoŋ a veerɛ-feerɛ gbeli-ŋai a tɛɛ-ŋa.

Nya ƃe goôŋ-sãai dɔnɔ è kòoŋ é pá ḿâ ŋɔŋ-têɣa kɛ́ ƃò ǹyêei gbãya ŋá nyii è gùla ŋ̀âla-teƃelei ma, gɛ́ kòoŋ, gɛ́ pà la ḿâ.

È m̀o ḿâ ǹyɛɛi, “Ye lí í ŋ̀orɛ̂-wooi ŋí ƃó ǹûai dîa yɛ̂ɛ dîai, ‘Ka káwoli tɔ̀ɔ a zu-kôyaa, kɛ́lɛ káfa mɛni da kélee ŋá kàa. Ka kwaa ma kàa a ŋ̀ánaa, kɛ́lɛ káfa sɛŋ da maa kpɛ̂ɛ a ǹɛ́lɛɛ.’ ”

È m̀o ḿâ ǹyɛɛi, “Gɛ́ ǹûai ŋí kíli ŋá é pú. Gɛ́ díwoli é tíniŋ, díŋɛi é pú a gɛɛ dífe kwaa kâa, dífe mɛni da mɛ̀ni, dífe mɛni ŋá kàa ma. À kɛ̀ tí, da pâi tínanîi ḿbɔ a gɛɛ ŋá díƃalo.”