Popular Bible Verses from Azaya 17

Share

Yâwɛɛ è m̀o ǹyɛɛi, “Fé pâi fâai ma a gɛɛ Dɛmɛika é kɛ́ a taa-lee. Ŋa pâi naa su-karâi.

Ŋa pâi Eezuɛ maa kɔ̃ɔ-sãai kélee wôloi berêi. Dɛmɛika a pâi lɛɛ̂i luɛ-laai. Diai pù dí kúla Siria kɔi sui ŋa pâi ƃâa kulâi dîa yɛ̂ɛ berei ŋá gɛ̀ la a Eezuɛ-ŋai. Ńyãa, Ŋ̀wála-wâla kélee Yâwɛɛ ƃé m̀o tí.”

Yâwɛɛ è m̀o ǹyɛɛi, “Tãi a pâi, ŋa pâi Eezuɛ ŋɔtɔɔ-sãai kélee kúlâi ǹyêei. Ŋa pâi naa-ƃelai dítɔɔ-laai penêi a kôlo-laa.

Fé pâi ǹɛɛ̂i naa Asiria taa-lee-ŋai da é lɛ́ɛ zu. Ŋa pâi naa kélee su-karâi. Naa a pâi lɛɛ̂i nɔ́ a taa-tulɛ-ŋa kɛ̂i. Núu da fé pâi wɔ́lɔ pɔrîi dímaa yaôi dí kúla naa.