Popular Bible Verses from Ikilisiati 9

Share

M̀ɛnii kélee ya pɔ̂ri gɛ̂i, gɛ́ a íwala-walai kélee, kpɛ́ni fêi, núu a sàa, pɔri mâa da fa ŋɔ́nɔ kɛ̀ ǹyêei a gɛɛ é mɛni da kɛ́. Va ŋɔ́nɔ pɔri tíi da kɛ̂i, é mɛni kpɛtɛɛ da kɛ́, é kili ŋa-pono sɔlɔ ƃó mɛni da su kpaa máŋ é táre da maa kɔ́ri.

Ŋa ŋɔ́nɔ mɛni da kpɛ́ni maa kɔ̂ri ŋá táre zu. Ŋá gàa a gɛɛ ǹúui a kîrɛ sìɣe a ŋ̀ánaai va nûa yée mɛi ɣâle gbagba fúlɔi su a tãi kélee. Ǹúui ŋ̀wála-walai, fa pɔ̂ri nûa yée mɛi ɣâlei kɔ̂i a tãi kélee. Mii-sɛŋ fa kɛ̂ nɔ́ dáre-ƃelai yêei a ɣele kélee. Zɛŋ kɔ́lɔŋ-ƃelai diai tɔ̂nɔ nɔ́ fa ɣéniɛ lɛ́lɛɛ kɛ̀. Ǹyɛrɛ-ƃelai dia tɔ̂nɔ nɔ́ fa tɔɔ-laa sɔlɔ ƃô. Kɛ́lɛ mɛni kpânaŋ à lâa núu kélee mà ɣéniɛ.

Ka ínɛnîi ka káɣeniɛi ŋãa-nɛ̃ɛ kula gîe ma tãi nɔ́ kákaa la ɣele ma tãi kpuai ŋí su Ɣâla a dɛ̀ɛ kápɔi. Ŋ̀éniɛi ŋí su mɛni-ŋai kélee díkaa nɔ́ kpɛ́ni-kpɛni. Nyíŋi nɔ́ ƃé ǹɛ̂lɛɛi ká gɛ́ kámɔ̃lɛi pôlu ma.

Kɛ́ ílaa miî a lii-nɛ̃ɛ pere, íkɛ íŋwã̂ai kpêle a koi-nɛ̃ɛ, kpɛ́ni fêi, m̀ɛnii ŋí ƃé a Ɣâla líi làa.

Táre lɛ̂lɛɛi é tɛ́ɛ kɔ́ kɔ́-sãa dîa. Kɛ́lɛ pɔara mâa kpua lòŋ a mɛni lɛ́lɛɛ támaa su-kara.

Ǹɛ̂lɛɛi núu é ŋ̀óli tɔ́ɔ táre-nuu wóo maa yeŋɔɔ ma é tɛ́ɛ la núu kɛ́ɛ é ŋ̀óli tɔ́ɔ ƃoo kâloŋ láɣi-woo ma.

Diai ɣele mai, dí gɔ́lɔŋ da pâi saâi. Kɛ́lɛ zaa-ƃelai dífe mɛni da kɔ́lɔŋ é pîlaŋ díkpîŋ ma. Fela-fei da fé naa dímɛni ma. Núu da fa ŋɔ́nɔ é pîlaŋ dîa.