Popular Bible Verses from Pitɛ Veerɛi 3

Share

Kúnuu-namui maa fé tínaŋ ní ŋɔkono-teei ŋa-see kɛ-mɛni ma yɛ̂ɛ berei núu da-ŋa da dòli la a maa tinaŋ. Kɛ́lɛ, a ǹíi kpèle kâa, va ŋ̀wɛli núu da kélee é sáa. Kɛ́lɛ, a ŋ̀wɛli núu kélee dí dílii pene.

Kɛ́lɛ, káfe nia mɛni tɔnɔi ŋí ma ŋáwɛli-kɛ-maa ƃelai, a gɛɛ fólo tɔnɔ káa Kúnuu-namui ŋɛ́i yɛ̂ɛ kóraŋ wála tɔnɔ (1,000). Kóraŋ wála tɔnɔ (1,000) kɛ̀ ƃo ŋ̀ɛi yɛ̂ɛ fólo tɔnɔ.

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ ti.

Kúnuu-namui ŋɔɣelei a pâi pâi yɛ̂ɛ ŋúma-nuu. Maa-foloi tí ŋele-ŋai da pâi tɛɛ̂i a díwoo su kɛ́tɛ, maa-sãai kélee dí séɣeŋ a ŋɔŋ. Ǹɔii da zu-sãa kélee da pâi kérenîi dí kpɛ̂ɛ.

Tãi ká gɔ́lɔŋ la a gɛɛ zãâi ŋí kélee da pâi séɣenîi, nûa-sii kɛ́ɛ léŋ ƃe ka pɔ̂ri kɛ̂i la kátûa-pere kélee sui? Káfulu-laa é kɛ́ a maa-waa dɛ̀ɛ Ɣâla pɔ́. Kákaa Ɣâla ŋɔɣelei maa kpɛnii lai, ka kɛ̀ ŋ̀wɛ̂li a gɛɛ é pá a maa félaai. Ŋ̀elei ŋí ƃe ŋele-kɔlɔŋ a pâi kérenîi la, ŋ̀elei su sãai kélee dia máŋ díkɛ séɣeŋ.