Popular Bible Verses from Zɔ̂ŋ Maa-ŋuŋ 2

Share

Káfe ŋ̀éniɛi wɛ̀li, kpaa máŋ zãâi díkaa ŋ̀éniɛi sui. À kɛ̀ núu da a ŋ̀éniɛi wɛ̀li, Nàŋ-nuui ŋɔwɛli-kɛ-maai fé gbonôi. Kpɛ́ni fêi, sɛŋ kélee gáa ŋ̀éniɛi sui, núu kpono ŋɔsɛŋ-wɛliɛ, núu ŋ́ɛi ŋɔsɛŋ-wɛliɛ da fulu-laa maa-yoŋka-teɛɛ dífe kula ni Nàŋ-nuui yêei, kɛ́lɛ, díkaa a ŋ̀éniɛi su-sãa.

Ŋ̀éniɛi a tɛɛ̂i da ŋɔsu-sɛŋ-wɛliɛi kélee. Kɛ́lɛ, ǹúui a Ɣâla nîa-mɛni kɛ̀i, a pâi kɛ̂i naa wɔlɔ-wɔlɔ da wɔlɔ-wɔlɔ.

Ǹúui a mò a gɛɛ gáa gbonôi, fɛ̂ɛ é sía yɛ̂ɛ berei è sía lai.

Nónîi, ŋa mɛnii ŋí pɔ̃yɛɛ̂i kápɔ naa a gɛɛ káfe sɔnyɔ̂ŋ kɛ̀. Kɛ́lɛ, à kɛ̀ núu da à sɔnyɔ̂ŋ kɛ̀, kúmɛi-woo ƃo-nuu káa naa Nàŋ-nuui pɔ́ naa, ǹyaa ƃa dɔ̃yâ-nuui Zîsɛ Kôrai.

Ǹúui a mò nyɛɛ, “Ŋá gɔ́lɔŋ,” kɛ́lɛ, va ŋɔtɔ̂ŋ-ŋai mɛi kâai, gáa a lɛ́ɛ-nuu, dɔ̃yâi fé gbonôi.

Nyíŋi a nɛ̀ a tɔ̃yâ a gɛɛ kú gɔ́lɔŋ, à kɛ̀ kwa ŋɔtɔ̂ŋ ŋai mɛi kâa.

Ǹúui a mò a gɛɛ gáa gwaa-ponoɔi su, kɛ́lɛ, gɛ m̀arâai kpɔarai, maa-nuui káa niî gbínii su.

Gbɛ̂ɛ ƃa ǹɛ́ɛ-nuui é kúla ǹuui pôlu a Zîsɛ maa sîa tòo a gɛɛ vé a Kôrai? Maa-nuui ƃa Kôrai ŋɔtɔɔ-maa-nuui nyíi a Nàŋ-nuui maa sîa tòo da Nòŋ-nuui.

Ǹúui kélee a Nòŋ-nuui maa sîa tòo Nàŋ-nuui fé ǹyêei. Ǹúui a Nòŋ-nuui maa-mɛni ƃòi, Nàŋ-nuui káa ǹyêei máŋ.