Popular Bible Verses from Apoc 3

Share

Re' hin pa'alkiin i koq wach puerta chi yuq'inik, awach i rib'iraj i nuq'oral neeruteh weh i rupuerta, neekinokik ruuk'. Neenub'an nuwa' ruuk', je' wo' reh nee wo' rub'an ruwa' wuuk'.

Re' hin weht'al taqe chib'ih i na a'n. Weht'al wo' hoq chi ma' hat ta jot'ik, ni xata hat tz'a', ma' xta naq reet hat ta jot'ik oon hat ta tz'a' Raaj i wili, xa hat wo' q'ixin ma' hat ta jot'ik ni xata hat tz'a'. Ruum aj re', naa kaat nuxab'em reje wulu'.

Re' hin kow taqe nuq'il, i nukoj kina'ojb'al awach taqe nuk'ax. Je' re' noq re' hat, maakanaa' awiib'. Chachop la' ak'ux chi nimanik, eh cha sik' wo' chik i Dios ruka'peech.

Re' hin weht'al taqe chib'ih i na a'n, eh jinaj i ookb'al tehlik i nuyeew aweh ma' awach ta neentz'apwik reh chawach. Ma' re' ta nkiwii' chi ma' q'e' ta k'ih i ye'el rukowiil ak'ux, xanimaj la' i nuk'uhb'aal ma' xapoy taj i nub'ihnaal.

Awach naa reliik korik naa nuye'em rutzunaab' wuuk' chupaam i nuloq'laj ye'aab', je' rukab' i hin xinelik korik, eh xuyeew nutzunaab' ruuk' i waJaaw paruloq'laj ye'aab'.

Re' hat je' wili inaq'or: Hin chik b'ehoom. Chu'nchel i nelik korik chi nuwach. Wilik chik chib'ih weh, tiki. Xanaah re', ma' nakoj ta rehtaal chi ma' xta wilik aweh. Hat pixp. Hat neb'aa'. Hat moywach. Hat t'usulkaat.

Ruum chi xanimaj i nuk'uhb'aal ruuk' kuyuuj, re' hin naa kaat nuko'leem chuwach i ti' k'axik na' chaloq i pajarik chikinaah chu'nchel i tinamit wach ak'al chi nik'inb'al keh

Re' hin k'ulik iloq weh chi jumehq'iil. Looq'-oq aweh animaniik, reh chi ma' jino'q neenq'uchwik aweh aakorona naa ak'ulum.

Chawik'raaj awiib' i hat, chayeew rukowiil kik'ux i xa chib'ih jariik ach k'isiin k'achalkeeb', ruum re' hin i nukoj rehtaal taqe i na a'n ma' imponik ta chuwach i nuDios.