Popular Bible Verses from Sal 27

Share

Chachop ak'ux ruuk' i QaJaaw Dios. Marub'an kiib' ak'ux, cha chop la' ak'ux chi korik, ruum xa re' wo' reh i ruk'ul chi naa awuy-eem i rotob'il.

Re' hin xa jinaj i nupahqaaj reh i QaJaaw Dios, xa jinaj inwaaj chi naa nub'anam: Re' chi nee kinwihik chupaam i rusantolaj Paat chu'nchel i q'iij nik' chik najtiil i nuk'achariik, reh chi ar neenuloq'ej, eh neenub'an rusuqkiil i ruholwochiil chii' wach i reh.

Re' QaJaaw Dios i nusaquum, re' reh i waj Ko'loom. Re' reh inye'wik rukowiil nuk'ux panuk'achariik. Ruum aj re', ma' xta neekinyo'jik wii'.

Eh wi ta ma' nunimaj i hin chi naa nuk'ulum i rotob'il i Dios panuk'achariik ayu' wach ak'al, yojinaq naq chik nuk'ux.

Eh noq neenchalik i ti' k'axik chi nunaah, re' QaJaaw Dios neenko'linik weh. Eh nee wo' kiruko'leej ar chupaam i rupaat. Je' naa chinaah jino'q i paat ab'aj neekiruyeew noq neekiruko'leej.