Popular Bible Verses from Sal 18

Share

Re' hat titoob'inik ti ko'linik, ti esanik weh panti' k'axik: Hat nuDios ye'el rukowiil nuk'ux hat saq rehp ab'aj, hat pulato ch'ihch' ko'lb'al iib' chi weh. Hat najt naah paat ko'lemb'al iib' chi weh.

Re' rub'eeh i QaJaaw Dios xti korik, re' i ruq'or rib'iral chi naa ruye'em qeh, nee wo' ruyeew. Eh i ruko'leej taqe awach i kiye'em kik'ux ruuk'.

Ruum aj re', re' hat Jaaw, xti ruk'ul chi naa alooq'jiik. Eh noq tinuq'o'reej, kinako'leej chikiwach i ki-ixowanik nuwach.

Eh noq wilkiin pan i ti' k'axik, xnuq'o'reej i QaJaaw Dios. Re' reh xirib'iraj wo' chupaam i rusantolaj Ye'aab' re' i xnupahqaaj reh xirib'iraj wo' hoq.

WaJaaw nuDios, re' hat xayeew chik cho weh i manlik saqum. Xinawesaj chik chaloq chupaam i q'equm.

Re' QaJaaw Dios inye'wik wajaawriik. Eh re' reh ink'amwik weh chupaam i korik laj b'eeh.

Xti k'achlik i QaJaaw Dios. Loq'imaj ta naq, ruum jinaj paat ab'aj ko'lemb'al iib' chi weh. Neeta naq inye'arik runimaal wach i nuDios waj Ko'loom.