Popular Bible Verses from Prov 11

Share

Awach i xa atoob', holohik naa rojiik wii'. Awach insihinik, naa wo' ruk'ulum jilow.

Awach inkisiij chib'ih reh i kas kichaaq' k'ih chik i jilow inkik'ul. Awach taqe i q'e' pixp xa kikahnik wo' chi neb'aa' taqe.

Re' i niimb'isanik wachiis xa k'ixb'ilaal i ruk'am chaloq. Re' taqe i ma' nimaq ta kiwach kuuk' i keh wilik i holohik laj na'ojb'al.

Wila' ma' holohik i runa'ojb'al i aj taaq'oom, ma' jaruuj neenkorjik i tinamit. Re' tinamit neenkorjik wila' wilkeeb' k'ih-oq i kojol na'ojb'al.

Re' i rub'an i korik wach ruk'ux, je' rukab' i chee' inye'wik k'acharik. Eh awach i rusik' chaloq i ras ruchaaq', wilik runa'ojb'al.

Re' i xa nooj chi k'utaaj, i ruk'utjaaj chu'nchel taqe i rib'iraj. Eh re' korik wach ruk'ux, ma' resaj ta ruk'utjiik taqe i rib'iraj.

Awach i wilik ketelinik wachiis ruuk', holohik i naa ruchaliik chinaah. Eh awach i xa re' josq'iil i rub'an, ti' k'axik i ruk'am cho chinaah.

Awach i chinaah i rub'ehomal i ruch'ikaa' ruk'ux, xa je' inq'ehb'ik chiq xaq chee'. Eh re' taqe korik wach kik'ux, xa eliik taqe je' rax wach xaq chee'.

Re' b'ehomal xama' xta naa rukamaniik wii' na' chureq i ruq'ijil i q'ataj q'orik. Re' i korik ra'j inko'linik chuwach re' i kimik.

Re' korik wach kik'ux re' korik inki a'n ink'amwik kib'eeh. Re' i ma' korik taj inki a'n re' wo' re' naa rusachwiik kiwach.

Re' ixoq q'e' holohik, eh ma' xta k'isinoq runa'ojb'al, xa je' rukab' i kotkot laj ch'ihch' oro inokik chi ju' i ahq.

Re' QaJaaw Dios suq ruk'ux ruuk' i manlik impajwik, eh ma' imponik ta chuwach i ma' manlik ta npajwik.